Dæmdur til stjaksetningar og reytingar

Héraðsdómur Bakkatjarnar dæmdi í dag Jónatan Livingstone máv til stjaksetningar og reytingar fyrir yfirgang, hreiðurbrot og fósturát.

Jónatan réðist á heimili þeirra Svans og Svanhildar Flyvering. Hrakti þau úr hreiðri sínu og át fimm ófædd börn þeirra.

Í dómnum segir m.a. „Með verknaðinum hefur ákærði sýnt einbeyttan brotavilja og árásin var mjög óvægin.“

Jónatan mun ekki hafa ákveðið enn hvort dómnum verði áfrýjað til Eftirréttar.

Harmleikur á Bakkatjörn

Athugasemdir

[Tiger, 15.5.2008 kl. 19:21]

   Hahaha ... jamm sko það er vandlifað með eggjum. Væri alveg til í að vera eins og storkurinn ef ég yrði að vera fugl - mar bara fær einhvern veginn afkvæmi í pakkningum og hendir þeim bara í mannfólkið - svo ala þau afkvæmin upp fyrir mann. Knús í kvöldið þitt kæri boxer.

[ha ha (IP-tala skráð) 15.5.2008 kl. 21:15]

Fólk vill skjóta máva af því að þeir eru svo ljótir og éta egg og unga annarra fugla,

Hvað vilja menn þá gera við mannfólkið, ljótt og slátrar og pyntar alla, dýr og manneskjur, ungviði jafnt sem aldna.