Hátt olíuverð er heilbrigðisvandamál

Olíuverð fer sífellt hækkandi. Í dag fór t.a.m. verð á norskri háfjallaolíu yfir 138 bandaríkjadali. Færustu hagfræði- og viðskiptamógúlar hafa leitað ástæðu þessa lengi. Ekki sé um að ræða verðhækkanir á aðföngum eða öðru slíku sem hafi áhrif á verðið. Olían sjálf muni ekki hafa breytt eðli sínu, heldur sé um sömu olíu að ræða og á árum áður er olían var ódýrari en mjólkin.

Rannsóknirnar eru mikið hagsmunamál fyrir Ísraela, enda helstu olíufurstar svarnir óvinir þeirra og því mikið hagsmunamál fyrir Ísraela að ná niður olíuverði. Shaul Mofaz, aðstoðarforsætisráðherra Ísraels, sagði t.d. í viðtali við blaðið Idiot Aharonot fyrir skemmstu, að ef Íranir lækki ekki verð á sinni olíu munu ísraelar láta þá finna til tevatnsins.

Það er því ekki furða að Ísraelskir fræðingar hafi stundað stífar rannsóknir á málinu. Niðurstaða þeirra er afar áhugaverð. Hún mun vera á þá leið að sálarflækjur og kvíðaköst jakkafataklæddra manna sé helst um að kenna. Í raun sé því um alþjóðlegt heilbrigðisvandamál að ræða, sem umbreytist á þennan hátt í alþjóðlegt hagfræðivandamál. Því munu Ísraelar hafa ákveðið að snúa vörn í sókn og efla framleiðslu geðlyfja, sem og að fjölga stórlega geðlæknum og sálfræðingum. Því næst fái leyniþjónustan Mossad það hlutverk að planta þeim leynilega fyrir á mörkuðum víða um heim. Þannig megi ná niður olíuverði, með að slá á kvíðaköst jakafatamanna og leysa úr sálarflækjum þeirra.

Olíuverð í nýjum hæðum

Athugasemdir

[inqo, 6.6.2008 kl. 23:23]

ég var einmitt að hugsa það sama. það virðist sem ef að einhver prumpar þá hækkar olían. olíuverðið virðist endurspegla streitu þessarra jakkafataklæddu manna. það er óþolandi að ég þurfi að þjást vegna þess að einhver ungur maður í blárri skyrtu fái í magann.