Mótmælabúðir opnaðar á Hellisheiði

Samtökin Saving Iceland hafa opnað mótmælabúðir á Hellisheiði. Í ljósi gífurlegra vinsælda allra handa mótmæla hérlendis síðari ár, hefur orðið vart við mótmælaskort.

Mótmæli hérlendis hafa í mestum mæli verið innflutt. Segja má að íslensk mótmæli hafi vart fengist hér síðan Keflavíkurgöngurnar voru aflagðar. Því er fagnaðarefni í hugum margra að samtökin hafi nú hafið framleiðslu og sölu á íslenskum mótmælum. Mótmælaverslanirnar verða staðsettar á Hólmsheiði, þaðan sem stutt er í allar áttir.

Mótmælabúðir á Hellisheiði

Athugasemdir

[Haraldur Bjarnason, 12.7.2008 kl. 15:09]

...snilld!!!

[Sigurjón, 12.7.2008 kl. 16:41]

Það er skrýtið að það þurfi að ,,átsorsa" mótmælum...

[Lára Hanna Einarsdóttir, 12.7.2008 kl. 17:59]

Hafa hin ágætu Bergmálstíðindi, málgagn alþýðunnar, grafist fyrir um hvað mótmæli þessi kosta út úr búðunum? Er verðið í íslenskum krónum, evrum, dollurum eða einhverjum öðrum gjaldmiðlum? 

[Brjánn Guðjónsson, 12.7.2008 kl. 18:26]

all í krónum, enda hér um innlenda vöru að ræða. verðið er óþekkt, en þar sem þetta er afburða vönduð vara má gera ráð fyrir að hún kosti sitt

[Eva Hauksdóttir (IP-tala skráð) 12.7.2008 kl. 20:35]

Þú ert skemmtilegur

[Lára Hanna Einarsdóttir, 12.7.2008 kl. 20:37]

En eru þetta ekki mest útlendingar sem selja vöruna? 

[Helga Guðrún Eiríksdóttir, 12.7.2008 kl. 21:55]

Ég veit ekki með þorpsfíflin en var ekki grátkonum greitt..?  

[Brjánn Guðjónsson, 12.7.2008 kl. 22:22]

takk Eva  

Lára Hanna, útlendingarnir kaupa vöruna og nota við mótmæli sín. þetta er því hörku gjaldeyrirgróði

ég veit ekki, Helga Guðrún. ég hef alla tíð forðast grátkonur eins og flensuna. þekki því ekki vel efnahagsreikninginn þeirra.

[Lára Hanna Einarsdóttir, 12.7.2008 kl. 22:58]

Ég held að ég sé að byrja að fatta hvernig þetta er hugsað hjá þeim...