Starfslok

Viðskiptaráðherra spilaði út spaðaásnum í dag. Hefði mátt gerast fyrr, en þó betra seint en aldrei.

Vitanlega er Björgvin ekki vondi karlinn, en með afsögn sinni axlar hann sína pólitísku ábyrgð. Ábyrgð sem N.B. hefur ekkert með lagalega ábyrgð að gera, eða beina sök.

Áður en hann sagði af sér setti hann af stjórn fjálmálaeftirlitsins. Sú ákvörðun var hárrétt. Ég tel Björgvin standa sterkari eftir.

Menn deila um dagsetninguna, 1. mars. Flestir vildu sjá forstjóra FME fara med det samme. Hinsvegar hlýtur maðurinn að hafa sinn uppsagnarfrest eins og aðrir.

Hvað felst hinsvegar í starfslokasamningi hans er eitthvað sem þarf að gera lýðnum ljóst.

Jónas hættir 1. mars

Athugasemdir

[Brattur, 25.1.2009 kl. 17:55]

Mjög gott hjá Björgvin... vonandi verður hann fordæmi fyrir aðra... annar lítur út fyrir að stjónin lifi ekki daginn...

[Lára Hanna Einarsdóttir, 25.1.2009 kl. 19:48]

Þetta er á Vísi:  "Mun hann hann láta af störfum þann 1. mars næstkomandi og á samkvæmt ráðningarsamningi 12 mánaða uppsagnarfrest. Eins og áður hefur komið fram í fjölmiðlum er Jónas með 1,7 milljón í mánaðarlaun. Hann fær því 20,4 milljónir krónur í laun á uppsagnarfresti sínum."

Maðurinn er með eins árs uppsagnarfrest og hefur fengið 1.7 milljónir á mánuði fyrir að standa sig ekki í starfi. Hvar annars staðar fær fólk slík kostakjör?

[Brjánn Guðjónsson, 26.1.2009 kl. 00:15]

nohh, ég er ekki hálfdrættingur miðað við Jónas. verð þó að standa mig í vinnunni.

best hvað ég hef frábæran forstjóra, sem drekkur með mér kaffi og reykir með mér. þess vegna sætti ég mig að ná ekki 1,7 millum á mánuði. eingöngu þess vegna!