Nýja Ísland

Var vinsæll frasi í vetur. Svo vinsæll að stjórnmálamenn gerðu hann að sínum. Ekki síst í aðdraganda kosninganna.

Lítið hefur farið fyrir nýja Íslandi síðan. Skjaldborgin varð tjaldborg og síðan gjaldborg.

Í dag var svo endanlega staðfest að nýja Ísland var lítið annað en orðin tóm, þegar gamlir pólitíkusar voru endurunnir í bankaráð Seðlabankans. Þar á meðal er maður að nafni Ragnar Arnalds. Gott ef hann hefur ekki dvalið innan veggja bankans í einhver ár. Líklega líkar honum það prýðilega. Ekki ætla ég að tjá mig um störf hans þar.

Fyrir 28 árum var hann fjármálaráðherra íslendinga og sló lán í Bretlandi upp á 35 milljónir punda, á 13% vöxtum. Lánið er kúlulán, eins og vinsæl eru þessi misserin. Lánið hefur ss einn gjalddaga, árið 2016.

Það er skemmtileg tilviljun að það ber upp á sama ár og til stendur að byrja að greiða Icesafe, sem er einmitt í boði fyrrum flokksfélaga Ragnars í Alþýðubandalaginu. Svavars Gestssonar.

Í dag er fólk að hafa áhyggjur af að íslendingar geti ekki staðið undir Icesave skuldbindingum. Þá gleymist gjarnan Barnalánið hans Ragnars, sem í dag stendur líklega í rúmum 2,5 milljörðum punda. Sem gera hva...eitthvað milli 500 og 550 milljarða króna. Sem NB eiga að greiðast í einu lagi.

Svei mér þá ef ég verð ekki að éta strax ofan í mig upphafsorð mín, um að nýja Ísland séu orðin tóm. Þvert á móti. Árið 2016 fáum við líklega glænýtt Ísland. Ísland skuldabyrða og fátæktar sem aldrei fyrr.

Kannski það muni bara þykja nokkuð vænlegt þá, að yfirgefa landið og flytja til Kúbu eða N-Kóreu?

Kaffisamsæti flokksgæðinga

Athugasemdir

[Rýnir (IP-tala skráð) 11.8.2009 kl. 17:45]

Mér sýnist vextir hafi verið greiddir jafnóðum.

http://www.malefnin.com/ib/index.php?s=3f93457a0544f36b30b780533c2b2c62&showtopic=117394&pid=1498850&mode=threaded&start=

http://www.althingi.is/altext/121/04/r18152833.sgml

 Annars væri gott að fá frekari og áreiðanlegri upplýsingar.

[Brjánn Guðjónsson, 11.8.2009 kl. 18:05]

fann einmitt ekkert um það. vissulega setur það strik í dæmið, reynist svo vera.

[Brjánn Guðjónsson, 11.8.2009 kl. 18:11]

var einmitt búinn að renna yfir ræðuna hans Friðriks, á hlaupum, en barnalánið fór framhjá mér. virðist vera rétt að vextirnir hafi verið greiddir gegn um árin.

ég get þá kannski afpantað Kúbuferðina

[Soffía Valdimarsdóttir, 11.8.2009 kl. 20:04]

Brjánn!

Icesafe í boði Svavars Gestssonar !!!???

Andskotans rugl er þetta í þér drengur .........

[Brjánn Guðjónsson, 11.8.2009 kl. 20:29]

bíddu...var einhver annar formaður samninganefndarinnar?

kannski Laddi?

[Soffía Valdimarsdóttir, 12.8.2009 kl. 12:30]

Þú hefur nú hingað til komið mér fyrir sjónir skarpari en svo að ég trúi því að þú teljir Íslendinga hafa yfirleitt verið í einhverri samningsstöðu og enn aftur að hægt sé að skella skuldinni á brunaliðið..............

Icesafe er í boði kapitalismans, ný-frjálshyggjunnar og Sjálfstæðisflokksins!

[Brjánn Guðjónsson, 12.8.2009 kl. 13:00]

Svabbi gleymdi að taka með sér vatn í útkallið

[Soffía Valdimarsdóttir, 12.8.2009 kl. 13:06]

Hefði líklega þurft eins og eitt stykki Þingvallavatn...