Sultublogg?

Keyrir vefþjónn blog.is í sultukrukku?

Ég hef áður gert athugasemd og aðra til, við tiktúrulega hegðan bloggkerfisins. Nú er boðið upp á nýja gerð sultu. Ég reyndi að setja inn video í gær. Eftir að hafa upphalað því, birtist texti sem sagði að myndbandið væri 'í vinnslu'. Sex tímum seinna var það enn 'í vinnslu'. Stærð myndbandsins er tæplega 1,5 MB. Fyrir á svæðinu mínu var eitt myndband, upp á rúmlega 1 MB. Í morgun eyddi ég hvoru tveggja út. Gamla myndbandinu sem og því sem var 'í vinnslu'. Ef vera skyldi að orsökin væri plássníska hjá blog.is. Ég upphalaði síðan nýja myndbandinu aftur. Nú hefur það aðeins verið tæpan klukkutíma 'í vinnslu'.

Líklega þarf sultuhleypirinn að taka sig aðeins. það verður forvitnilegt að fylgjast með því í dag.

Glámbekkur

Eins gott að geyma járnin á öruggum stað, en ekki á glámbekk. Best að fara yfir þessi mál á eftir, þegar heim er komið.

8 ára fastur í handjárnum

Berlúskóni

Þótt fáum þjóni hann fer aftur inn.
Í því flóni býr kraftur.
Bannsettur dóni með bakgrunninn sinn.
Berlúskóni snýr aftur.

Þing rofið á Ítalíu

Halló!

Við erum að tala um einhverja sjónvarpsþætti in the sixties!

Man einhver eftir þeim? Voru þeir sýndir hér á landi?

Ég lýsi hér með eftir því þeim sem áttu sjónvarp þá og lifa enn. Látið mig vita. Ég er svo svakalega forvitinn um þessa þætti, Flóttamanninn

Löggan sem elti flóttamanninn látin

Skrásetning er stórkostleg!

Ég get susum skilið þá viðleitni þeirra að þétta þekkingagrunninn sinn. Ekki svo galið að skrá ör og tattú, í viðbót við fingraförin.

Mér hefði þó fundist rétt að ganga lengra, ef gera á eitthvað á annað borð. Þannig mærri skrá fæðingabletti líka. Auðvitað yrði í leiðinni bannað að fjarlægja fæðingarbletti, sem og ör. Líklega yrðu lýtalækningar bannaðar með öllu. Auk hinna líkamlegu einkenna mætti svo skrásetja kæki og turette einkenni, hegðunarmynstur (þ.m.t. kynhegðan), fæðusmekk/matarræði, svefnvenjur, drykkjuvenjur, meðalfjölda þvagláta á sólarhring og svo mætti lengi telja. Í raun væri best að skrásetja fólk eins og það leggur sig. Hafa uppi á því og loka í skjalaskáp. Þá yrði heldur enginn eftir, þarna úti, til að brjóta af sér. Sem aftur þýddi að ástæðulaust yrði að skrásetja fólk.

Hmmm

FBI safnar upplýsingum um ör og húðflúr

Hví var lögreglan í farbanni?

Menn sem réðust á lögreglu í farbanni

Meint tarantúla

Er það ekki, rétt eins og hassið?

Gaman að fá gæludýr á stöðina

Hald lagt á tarantúlu

Flokkun póstkassasorps

Ég upplifi daglega frekar absúrd augnablik, að mér finnst. Að tæma póstkassann er heim kemur, eftir vinnu. Stoppa framan við ruslalúguna, á leið að íbúðinni. Skilja póstinn minn (merktum mér,) ef einhver er, frá restinni (sem er iðulega 80 - 100% af hrúguni). Henda megninu en taka póstinn minn með mér inn til mín. Nú á tímum endurvinnslu og ruslflokkunar, væri nær að þessir blaða- og auglýsingamenn myndu flokka þetta hjá sér og sleppa að senda til mín. Hér fer þetta allt í sömu tunnuna. Ekki dettur mér til hugar að gerast einhver ruslflokkari og safnari fyrir eitthvern lið úti í bæ sem sendir mér þetta í minni óþökk.

Trúarbrögð eða fasismi?

Alveg fannst mér makalaust að hlusta á Ástu R. í Kastljósi kvöldsins. Eins og þeir sem gagnrýnt hafa andreykingafasismann spáðu, verður næsta skref að drulla yfir rétt fólks til að haga sínu lífi að vild á eigin heimili. Nú á semsagt að gera fólki óbærilegt að reykja heima hjá sér. Það verður fróðlegt að fylgjast með framvindu þess máls. Verða hömlurnar einskorðaðar við tóbaksreyk? Reykingamaðurinn eigi sko ekki von á góðu, gerist það að nef nágrannans finni lykt af tóbaksreyk, meðan t.d. grillandi nágranni má menga með sínum grillreyk? Svona til að taka dæmi. Hvenær ætlar þessi vitleysa og níðingsháttur að taka enda?

Þetta er löngu hætt að snúast um skynsemi og rök. Þetta eru annaðhvort öfgatrúarbrögð af verstu sort eða það sem líklegra er. Hreinn og klár fasismi.

Hamsturinn Lárus

Spáir vetri fram að vori. Eftir það kemur sumar.

Punxsutawney Phil spáir vetri enn um sinn