Geimsamstarfi bjargað

Eins og Bergmálstíðindi sögðu frá, hefur alþjóðlegt geimferðasamstarf verið í uppnámi, eftir að flókinn hátæknibúnaður geimsalernis bilaði. Talsvert var þrefað um lausnir í málinu og það var ekki fyrr en Rússneski geimfarinn Oleg Kononenko gekk í málið og gerði við salernið. Segir hann það ekki hafa verið neinn hægðarleik, en hafi tekist fyrir rest.

Oleg, sem þekktari er í heimalandi sínu fyrir ritstörf en geimferðir, sagði fréttaflutning af málinu hafa ekki verið nægilega skýran. Ástandið hefði í raun verið mun alvarlegra en fréttir gáfu til kynna. Að lokum sló hann fram vísukorni.

Eigi sé ég á það minnst
en um það tel mig vita,
að geimförunum gjarnan finnst
góð vera astralskita.

Nikolaj Ivanovich snaraði vísunni á íslensku.

Geimsalernið komið í lag

Heimsk rannsókn

Hér er væntanlega átt við vitsmuni, þegar talað er um gáfur. Gáfur eru svo víðtækt hugtak. 

Eru það vitsmunagáfur eða aðlögunarhæfileiki skepna að læra að lifa samkvæmt umhverfi sínu?

Er hægt með svona rannsókn að setja samasemmerki milli 'gáfna' og lífslíka?

Ekki kemur fram í fréttinni í hverju skilyrðingarnar fólust sem flugurnar lærðu að laga sig að.

Ef við teljum til skilyrðingar sem hópar fólks hafa þurft að laga sig að og setjum í samhengi við lífslíkur, getum við fyrst nefnt þræla. Þrælar þurfa að laga sig að mjög skilyrtum lífsaðstæðum. Fólk almennt sem lifir við harðræði og í ótta. Fólk sem er meira og minna haldið streitu og ótta við að gera rangt og vera refsað. Það fólk er alls hvorki heimskara né gáfaðra en annað fólk, en geldur fyrir stöðu sína. Andlegt ástand hefur áhrif á hið líkamlega. Er skrýtið að fólk sem lifir við slíkar aðstæður lifi e.t.v. skemur en þeir sem eiga áhyggjulaust og notalegt líf? Ég held ekki. Ætli sama eða svipað gildi ekki um blessaðar flugurnar? Þegar þær eru neyddar til að lifa öðruvísi en þeim er eðlislægt.

Mér finnst alltaf jafn þreytandi að heyra af svona kjaftæðisrannsónkum.

Ég er hvorki þræll né líf mitt skilyrt af neinum, nema skattinum kannski. Merkir það að ég sé heimskur?

Heimskar flugur lifa lengst

Þekking Breta

Þegar forfeður nútíma Breta byggðu Stonehange, bjuggu þeir yfir mikilli þekkingu. Þeir kunnu að flytja stórgrýti um langan veg og hífa þau síðan upp. Ekki er enn vitað með vissu hvaða tækni þeir beittu þótt leiddar hafi verið að því líkur.

Einnig bjó þetta fólk yfir tæknilegum verkfærum eins og öxum og hnífum.

Engar höfðu þeir þó appelsínurnar. Hefðu þeir fengið appelsínur hefði þeim líklega fyrst af öllu dottið í hug að skera þær sundur, til að komast í innihaldið. Það er mun fljótlegra og snyrtilegra en að standa í afhýðingu.

Því miður virðist þekking fornbreta í meðferð hnífa hafa glatast, rétt eins og þekking þeirra á meðferð stórgrýta til mannvirkjagerðar.

Mega ekki vera að því að afhýða appelsínur

Obama tryggir sér útnefningu

Það er ekki að spyrja að snilld Kanans. Eftir að hafa kosið yfir sig óbermið og erkibjánann Bush hafa þeir, þ.e. demókratarnir, valið njólann Obama til að stýra sinni skútu. Reyndar ekki erfitt verkefni fyrir hann, gegn ennmeirinjólanum hvers nafn enginn man. Hann mun þó vera frambjóðanri hinns flokksins. Gott er að vita, að nú hálfu ári fyrir kosningar að næsti forseti bandaríkja norður ameríku, hinu mest hnignandi ríki vesturlanda, mun verða njóli.

Obama tryggir sér útnefningu

Benedikt XVI: Hungur óviðunandi

Geimveran Benedikt XVI, gestur frá plánetunni Gxangiu á matarráðstefnu SÞ, segir það óviðunandi að ráðstefnugestir hafi þurft að búa við hungur og vannæringu frá því þeir komu á ráðstefnuna í gær. Skorar hann á Ítali, sem eru gestgjafar ráðstefnunnar, að splæsa pizzur á línuna. Gestir hennar hafi ekki ráð á að kaupa sér pizzur á því verði sem Ítalir setji upp.

Í umfjöllun fréttavefjar BBC um matarráðstefnuna kemur fram að matarkostnaður hafi ekki verið jafn hár í þrjátíu og ár og í fjölda landa hafa komið til átaka vegna þessa. Það sé óviðunandi hve Ítalir ætli sér að græða á öllu saman með okri á pizzum.

Framkvæmdastjóri ráðstefnunnar, Banki Mún, vill þó fara varlega í pizzuát. Segir hann hrísgrjón betur fallin til átu.

Kastljós fjölmiðla hefur ekki einungis beinst að þeim pizzumálefnum sem ræða á í Róm heldur einnig að Robert Mugabe, forseta Zimbabwe, sem situr ráðstefnuna þrátt fyrir ferðabann til ríkja Evrópusambandsins. Sendinefndir Bretlands og Ástralíu hafa mótmælt harðlega þeirri ákvörðun að heimila Mugabe að sitja ráðstefnuna og er talið að fjöldi sendinefnda muni sniðganga Mugabe á ráðstefunni sem lýkur á fimmtudag. Hann sé jurtaæta og því sé ekki að marka hann.

Benedikt XVI: Hungur óviðunandi

Bilun í kauphöllinni í Stokkhólmi

Sænski verðbréfamarkaðurinn Nasdaq OMX mun ekki hafa opnað fyrr en á hádegi í dag (10 að íslenskum tíma) vegna bilunar starfsmanns.

Að sögn Carl Norell framkvæmdastjóra kauphallarinnar mun Gösta Svenson, yfirmaður tölvudeildar, hafa snapped, eins og Norell orðaði það við fréttaritara Bergmálstíðinda.

„Hann hljóp um húsið á brókinni. Öskrandi, að hér muni enginn kaupa einn einasta snepil í dag!!“ sagði Norell.

Mun ástæðan hafa verið tölvuveira, sem náði að smita nokkra starfsmenn tölvudeildarinnar í nótt, þ.á.m. Gösta Svenson. Viðgerð mun vera lokið og starfsemin komin í samt lag.

Bilun í kauphöllinni í Stokkhólmi

Svindl hjá saumaklúbbum

Neytendasamtök í nokkrum Evrópulöndum hafa tekið höndum saman til að stöðva svindl svokallaðra saumaklúbba, að því er greint er frá á fréttavef hins danska systurblaðs Bergmálstíðinda, Bergmåletidende. Umræddir saumaklúbbar munu vera tilbúnir 'skúffuklúbbar' kvenfélags í Kaupmannahöfn.

Mun vera um að ræða að fólki er boðin aðild að klúbbum gegn því að mæta með randalínur og kleinur. Síðan mun bakkelsið hverfa og fólki vísað frá á þeim forsendum að það hafi ekki mætt með bakkelsi. Dönsku neytandasamtökin segjast hafa fyrir því áræðanlegar heimildir, að umrætt bakkelsi hafi síðan verið selt á Basar kvenfélagsins við Norrebro. Verði háttsemin ekki stöðvuð segjast samtökin munu höfða mál á hendur kvenfélaginu.

Svindl hjá sumarfrísklúbbum

Gylfi Ægis

Veit einhver ímeilið hans Gylfa Ægis? Náði ekki í hann, en verð að gera það.

Er búinn að misþyrma einu beibíinu hans og þarf hans blessunar við til að geta látið það frá mér.

Homm í kvöld?

Var að heyra í góðum vini mínum. Við djömmuðum mikið saman á æskuárum, áður en fjölskyldupakkinn handjárnaði okkur. Þá var sko tekið á'ðí um hverja helgi. Bæði kvöldin. Nú er maður bara afdankaður miðaldra njóli sem gerir aldrei neitt skemmtilegt og hann, þessi fyrrum höslari dauðans, orðinn hommúnisti.

Var að heyra í honum áðan og er, þrátt fyrir svefnskort, að hugsa um að skella mér í bæinn með honum. Bara taka á'ðí. Vona samt hann fari ekki að draga mig á einhvern leðurhommastaðinn

hehe neinei, hann er alveg eðal og sannur vinur  alveg 100%

Dagurinn í dag

Var ansi hreint fínn. Skrítið hvernig hlutirnir gerast stundum á réttum tímapunkti.

Síðastliðið haust slitum ég og kærastan fyrrverandi okkar sambandi. Samband sem hafði verið on/off í þrjú ár. Mikill kærleikur og ást en einhvernvegin var okkur ekki ætlað að vera saman. Síðan þá hefur ýmislegt gengið á. Tilfinningarússíbanar og allar græjur, á báða bóga. Þó höfum við einhvernvegin alltaf borið kærleika hvort til annars. Við höfum þurft að vera í sambandi, með tölvupósti, vegna eignaskipta. Við höfum þó hvorugt treyst okkur til að hittast, af ótta við að tilfinningarússíbaninn færi af stað. Þráhyggjan, afbrýðisemin og allur sá pakki. Hún að deita aðra og ég aðrar, eins og gengur. Veltum þeirri spurningu fyrir okkur hvort okkur tækist að vera (bara) vinir.

Síðan ákváðum við í vikunni að hittast í dag og ganga frá afsali vegna hússins sem við áttum saman og hún hefur keypt af mér.

Í stuttu máli sagt voru þessir endurfundir alveg æðislegir. Kærleikur og væntumþykja. Ekki til afbrýðisemi eða þráhyggja. Á leiðinni til frænku hennar, sem er löffi og sá um afsalsgerðina, blastaði hún Pál Óskar í bílnum og við sungum með. Eftir afsalsfarganið bauð hún mér á sýningu og svo skelltum við okkur í sund. Síðan bauð ég henni að borða og svo fór hver sína leið. Bara hreinn og klár vinskapur, eins og hann á að vera.

Mikið er ég glaður að hafa eignast þessa 'nýju' vinkonu.