Júrogarðurinn

Rétt er að geta þess að í augnablikinu er lítið að gerast í júrókeppninni. Eftir að sænsk/forngríska styttan steig af sviðinu hafa nokkrir flytjendur spreytt sig á gömlum íslenskum slögurum, í nýjum útsetningum þó. Þar ber helst að telja; 'Sjipp og hoj', 'Nína og Geiri' og 'Ég er á leiðinni', svo einhverjir séu nefndir.

Nú eru á sviðinu, hinar tékknesku 'Spicze girzky' sem flutti lagið 'Spiczky a heimzky'.

Óver and át og öppdeit skömmu síðar.

Júrógarður Bergmálstíðinda

Sem öflugur og vakandi fréttamðill hafa Bergmálstíðindi ákveðið að standa júróvaktina.

Rétt í þessu luku íslensku flytjendurnir sér af. Flutningur íslenska atriðsins þykir hafa heppnast afar vel. Söngurinn góður, sem og allar danshreyfingar og einnig sú list að ná að horfa og brosa í rétta myndavél hverju sinni.

Næst á svið steig hin sænska Carola. Henni er vorkunn að hafa stigið á svið næst á eftir íslensku flytjendunum, þar sem hennar hreyfingar minntu helst til á forngríska bronzstyttu.

Verið onnlæn og fylgist með ferskum fréttum Bergmálstíðinda í kvöld.

Óver and át.

Betri í rúminu en Brad Pitt

Jennifer Aniston hefur gefið út þá yfirlýsingu að sementspokinn John Portland sé betri í rúminu en Brad Pitt. Hún mun vera yfir sig hrifin af Portland og hefur sagt vinum sínum að hann sé betri elskhugi en Pitt.

Aðspurð um hvað skítugur sementspoki geti haft fram yfir karlmann af holdi af blóði, fer Aniston hjá sér og segir, „O, ef þú bara vissir. Ég er reyndar bæði pínulítið fyrir smá subbuskap í kynlífinu og líka að drottna yfir elskhuganum. Hvað er þá betra en sementspoki?“

Betri í rúminu en Brad Pitt

Sýknaður af ákæru fyrir skagfirska sveiflu

Héraðsdómur Reykjavíkur hefur sýknað karlmann af ákæru fyrir að hafa borið gítar og haft í frammi skagfirska sveiflu á almannafæri.

Dómurinn taldi ekki, að ákæruvaldinu hefði tekist að sanna að maðurinn, sem sætti ákærunni, hefði verið sá sem sveiflaði gítar og söng Látum sönginn hljóma hátt á almannafæri á veitingastaðnum Mímisbar. Maðurinn neitaði sök.

Bann við skagfirskri sveiflu var bundið í lög árið 1997 eftir að rannsóknir höfðu sýnt sterk tengsl milli skagfirskrar sveiflu og heilabilunar, eftir mikla sveiflutíð áranna á undan. Þótt ekki hafi tekist að sýna fram á orsakasambandið, þ.e. hvort væri orsök og hvort væri afleiðing, þótti rétt að taka enga áhættu.

Sýknaður af ákæru fyrir axarsveiflu

Við hefðum átt að hlusta á Ísland

Leikarinn Dustin Hoffman, sem klæddi sig upp sem kalkúnin Coochie í því augnamiði að fá hlutverk í Evrópusöngvakeppninni, segir það hafa verið mistök.

„Hefði ég reynt að fá hlutverk í Húsdýragarðinum hefði allt annað verið uppi á teningnum“ segir Dustin. „Kalkúnar tilheyra alveg á svoleiðis stað, en ekki í svona keppni. Rétt eins og fuglahræða á alveg heima á engjum, en ekki í söngvakeppni.“

Þar vísar Dustin til keppanda Íslands árið 2006, Sylvíu Nóttar.

Dustin: Við hefðum átt að hlusta á Ísland

Ég hef eignast ungling

Og það segir mest um hve aldraður ég er orðinn.  

Nú er Loginn minn, frumburðurinn, orðinn táningur. 13 ára í dag, 21. maí. Nú má ég líklega ekki kalla hann kútinn minn lengur, nema í lokuðu afmörkuðu rými.

Mér þykir þetta stór áfangi hjá honum. Að verða táningur. Miklu merkilegra en að fermast. Sem mér finnst b.t.w. alls ekki merkilegt.

Enda keypti ég afmælisgjöfina mína til hans í dag og svei mér ef hann verður ekki ánægður með hana. Hann veit hann fær síma. Það var samið um það frekar en einnota 'event'. Gamli síminn hans löngu orðinn klikk og virkar bara á góðviðrisdögum.

Elsku karlinn. Gerði ekki miklar kröfur og hann er nú ekki eins tæknilega sinnaður og gamli fauskurinn, pabbi hans. Lítillátur hvað það varðar. Systir hans fékk öll tæknigenin.

En eftir að hafa hlerað hann aðeins fann ég síma sem ég veit hann verður hæst ánægður með. Byggði valið á mínum kröfum, sem ég veit fyrir víst að eru mun meiri en hans kröfur. 'Ógisslega flottur'. Minn er bara þarmur við hliðina á þessum.

Svo förum við út að borða. Ég, hann og systir hans, en vitanlega fær hann að velja staðinn. Það verður pottþétt ekki súrt slátur á boðstólnum. jess!!!!

Til hamingju með daginn, elsku hjartans Logi Fannar minn.

Fundust eftir 5 tíma

3 strákar villtust í Heiðmörk í dag. Að sögn björgunarsveitarinnar Hjörleifs, barst tilkynning um hvarf þeirra eftir hádegi í dag. Þeir höfðu lagt af stað frá Hafnarfirði í morgun og ætlað sér að ganga til Hveragerðis. Þegar þeir mættu ekki í miðdegiskaffi í Litlu Kaffistofunni, eins og ráð var fyrir gert, var ákveðið að hefja leit. Undir kvöld fundust þeir við Rauðhóla og höfðu þeir þá fundið forláta golfkylfu og farið að leika sér með hana.

3 strákar villtust í Þórsmörk

Tap, en ekki skíttap

Hillary Clinton, sem hefur þurft að játa sig sigraða í hverju fylkinu á fætur öðru í forkosningum til útnefningar forsetaefnis demókrata í Bandaríkjunum, náði að merja sigur í kvöld í Kentucky. Ríki hinna afskræmdu kjúklinga. Þetta þykir persónulegur sigur fyrir Hillary, sem nú getur séð fram á að tapa í stað þess að skíttapa. Hún hafði einn Zinger, tvo bita, franskar og pefsí, meðan andstæðingur hennar náði einungis einum bita, frönskum og sósu.

Bergmálstíðindi munu flytja nánari fréttir ef þær berast.

Clinton spáð sigri í Kentucky

Fyrri riðli lokið

Fyrri náriðill Evrópusöngvakeppninnar fór fram í kvöld. Meðal þeirra sem komust áfram voru lög norðmanna og finna. Norðmenn fluttu flatneskjulegt lag sitt Lag mig ned, sem var tileinkað dönsku landslagi og Finnar fluttu lag sitt Urkülaaali uggulala, sem á Íslensku myndi útleggjast sem Gobbeddígobb, gemmér bjúgu.

Athygli vakti að lag Grikkja komst áfram. Líklega vegna þess að það var sungið á enskri tungu og dansað samkvæmt sænskri formúlu. Lag Grikkja, Do my boobs, flutti hin Karþagóska Kalomira. Meðdansendur hennar, þeir Nikos og Petris, léku sinn leik vel og þóttu lifa sig einstaklega vel í textann.

 

 

 

 

 

Nikos og Petris brjóstumkenna Kalomiru.

Noregur og Finnland áfram

Ný Evrópusöngvakeppni

Evrópusöngvakeppnin er nú haldin í fyrsta sinn með nýju sniði. Breytingarnar eru þær að nú er keppt í tveimur undanriðlum og síðan lokakeppni þeirra sem komast upp úr riðlunum. Já og gullkálfanna sem þurfa ekki að taka þátt í undankeppni, sökum fjármagns. Önnur breyting, sem einfaldað hefur keppnina til muna, er að nú flytja allir keppendur sama lagið, en mega velja eigin útsetningu, búninga og tungumál.

Það er t.d. nýlunda að Finnar hafa nú fundið sinn takt í keppninni, sem var þróaður í samvinnu við félag hestamanna í Finnlandi, eftir að hafa einokað botnsætin um margra ára skeið. Nú, sem og undanfarin 2 ár, hafa Finnar haldið sig við gobbeddígobb útfærsluna. Hún virðist skila Finnum að jafnaði 8 stigum meira að meðaltali en gamla útfærslan, sem kennd var við Múmínálfana.