64% hærra mat

Samkeppniseftirlitið gaf út skýrslu í gær, um verðlag í Evrópu. Í skýrslu stofnunarinnar er lagt mat á verðlag á Íslandi sem og í ESB ríkjunum. Niðurstaðan er að verðlag á Íslandi er metið sem 64% hærra en t.a.m. í Ungverjalandi. Mun þar hæst bera verð á tekexi og útleiguverð á myndefni.

Sandskatan, Samtök hagsmunaaðila að hagsmunasamtökum, segist ekki ætla að hafa í frammi mótmæli hvað varðar tekexið, enda innbyrði félagsmenn Sandskötunnar ekki slíkan hroðbjóð. Hinsvegar mótmæli Sandskatan harðlega háu verði á útleigðu myndefni. Þá sér í lagi á myndum eins og Pollýanna giftist, Önnu í grænuhlíð og Debbie does Dallas. Þar komi verulega við pyngju Sandskötunga.

Sandskatan gengur til liðs við Hrefnuveiðimenn

Í frétt Bergmálstíðinda fyrir rúmum mánuði síðan var sagt frá fyrirhuguðum veiðum félagsins Hrefnuveiðimanna. Í ljósi þess hve vel þær veiðar tókust hafa félagsmenn Sandskötunnar, Samtaka hagsmunaaðila að hagsmunasamtökum, ákveðið að leggjast á sveif með Hrefnuveiðimönnum.

Í samtali við Bergmálstíðindi segir Stulli Jóns, talsmaður Sandskötunnar, þetta vera rakið dæmi. „Það þarf engan eldflaugasérfræðing til að reikna þetta dæmi. Við Sandskötungar erum að megni til einstæðir og hér erum við að tala um fjörutíu Hrefnur, af mörgum þúsundum. Jú dú ðe maþþ.“

Samkvæmt tölum frá Hagstofunni búa um 44.000 Hrefnur hér á landi. Þar af munu um 20.000 vera á 'veiðanlegum aldri' eins og það er orðað í skýrslu Hagstofunnar.

„Maður sér það strax. 40 af 20.000! Ansi góðar líkur á góðum afla“ segir Stulli að lokum, glaður í bragði.

 

Hagsmunaaðilar fagna hrefnuveiðum

Íslendingur hannaði sólvindmæli

Geimrannsóknafarinu Gazella var skotið á loft í morgun. Tilgangur farsins er að rannsaka sólvinda og hugsanlega sólfellibyli. Mun farið stefna til sólar og fara tvo hringi umhverfis hana áður en það síðan hrapar á hana og brennur upp.

Íslenskur vísindamaður, Páll Haraldsson, hannaði vindmæli þann sem er aðalmælitæki Gazellunnar. Páll segist hafa byggt á hollenskri hönnun, nema hvað breyta þurfti nokkrum atriðum til að mælirinn réði við aðstæður í geimnum.

 

 

 

Hér sést mælir Páls

Ekki hægt að djamma lengur fyrir Palestínukonum

Það er ekki ofsögum sagt, að þau tíðindi að til standi að streyma hingað til lands Palestínskum konum og börnum þeirra eru slæm fyrir alla alvöru djammara landsins. Það verður ekki þverfótað á börum landsins fyrir Palestínskum einstæðum mæðrum.

 

Eru leiðindin þess verð?

Var að fá símtal frá stóra bróður. „Ertu ekki búinn að opna póstinn þinn?“ spurði hann. Ég leit á umslagahauginn á eldhússborðinu. „Nei. Ekki nýlega“ svaraði ég. Hann spurði hvort ég hefði ekki fengið umslag frá HR. Jú, það víst. Ég opnaði það og las yfir. Einhver kynning á mastersnámi. Úff, þegar ég kláraði bé-essinn vorið 2004 var ég kominn með námseitrun. Gat ekki hugsað mér að setjast á skólabekk næstu 100 árin. Sér í lagi ekki í eitthvert þurrt akademískt nám eins og mastersnám. Ðökk, hvað ég hata þurr fræðilegheit.

Ætla samt að kíkja á kynningarfund með gamla. Ég á þó alveg eftir að sjá mig fara í þurrkunntulegt mastersnám. Fræðilegheit og annan viðbjóð. Maður veit þó aldrei sína ævi fyrr en öll er.

Íslendingar áttu flottasta róbótann

Evrópu - lopi og band, kynntu afurðir sínar í Belgröðu í kvöld. Guðmundur Árni Stefánsson sérlegur sendiherra útflutningsráðs var á staðnum og kynnti til sögunnar nýjan Íslenskan lopaspunaróbót. Segja má að hann hafi stolið athyglinni, þ.e.a.s. róbótinn, ekki Guðmundur. Varð fulltrúi Serba svo reiður við alla þá athygli sem Íslenski róbótinn hlaut, að hann slóbótann. Sló róbótann til óbóta.

Málið hefur verið leyst og mun ekki hafa frekari eftirmála.

Framlag Íslands kynnt á næturklúbbi

Nýr forstjóri Varnarmálastofnunar

Utanríkisráðherra skipaði í dag Ellý Viðarsdóttur nýjan forstjóra Varnamálastofnunar Íslands. Frá og með 1. júni n.k. mun hlutverk stofnunarinnar breytast og starfsemin eflast til muna. Við inngöngu Íslands í NATO tóku Bandaríkjamenn að sér varnamál Íslendinga. Fram að því hafði ekki verið þörf á sérstökum landvörnum hér, þar eð Íslendingar áttu enga óvini. Frá því Bandaríkjamenn hurfu héðan og til Íraks hafa hinar og þessar þjóðir hlaupið í skarðið, s.s. Norðmenn og Frakkar. Nú munu landvarnir Ísland færast alfarið á hendur Íslendinga sjálfra.

Í samtali við Bergmálstíðindi segir Ellý starfið afar krefjandi og mörg stór verkefni framundan. Nú fari í hönd að stofna Íslenskt heimavarnarlið, sem kalli á stór auknar kröfur um gæði íslenskra heykvísla og kindabyssa. Að sama skapi munu allir bændur landsins hljóta sérþjálfun í meðferð slíkra vopna. Eins fari í hönd leit að verðugum óvini. „Leitun hefur verið að slíkum eftir þorskastríð og eftir að Shirinovsky fór að halda kjafti“ segir Ellý.

 

Skipuð forstjóri Varnarmálastofnunar

Biðin langa á enda

Mörg gömul harmonikku- og sjóarahjörtu tóku kipp í dag, er þær fréttir bárust að hljómsveitin Áhöfnin á Halastjörnunni hefði gefið út nýjan hljómdisk. Diskurinn, sem ber heitið Hrefnukvóti, hefur að geyma alls 10 lög. Öll eftir Gylfa Ægisson. Ýmsir gestasöngvarar leggja hljómsveitinni lið sitt á disknum. Þar má telja Bubba Morthens, Eyjólf Kristjánsson og Eyþór Arnalds. Sem fyrr syngja svo einnig þeir Rúnni Júl og Gylfi Ægis.

Rúnni Júl sagði, í viðtali við Bergmálstíðindi, liðsmenn sveitarinnar lengi hafa fundið fyrir þrýstingi að koma saman á ný. „Þögnin var orðin þrúgandi“ segir Rúnni. Hvað efnistök texta disksins segir Rúnni örlitlar áherslubreytingar vera frá seinustu plötu, sem einungis kom úr á vínyl. „Á síðustu plötu var meiri áhersla á síld og karfa. Nú erum við meira í stórfiskum og sjávarspendýrum. En auðvitað megin þemað, eins og áður, hve slor er rómó og maddsjó.“

Hrefnukvóti gefinn út í dag

Málning þornar

Nú er Ríkisútvarpið Sjónvarp ohf að sýna frá viðureign Kanadamanna og Rússa í íshokký. Ég verð að segja að leiðinlegri íþrótt hef ég ekki séð. Það er engin leið að fylgjast með hvað er að gerast eða hver er með pökkinn.

Þá vil ég heldur fylgjast með málningu þorna.

Fasisminn ekki við líði í Serbíu

Júrobandið, þau Regína og Friðrik, hafa sótt hverja veisluna af annarri.

„Þetta er búið að vera æðislegt“ segir Regína. „Við vorum hjá prinsinum áðan. Sko ef það væri konungsdæmi hér væri hann prins. Annars er hann bara staðal njóli, híhí.“

Friðrik segir þetta draumaland reykingamannsins, „Hér reykja menn bara þar og þegar þeim sýnist. Það pirrar mig ekkert. And-reykinga fasisminn hefur ekki skotið rótun hér enn.“

Sjálf söngvakeppnin fer fram eftir viku. Þangað til munu keppendur sinna partístandi.