Hvað er þetta með Davíð Oddsson

Afdankaður fyrrum einræðisherra Sjálfstæðismanna, röflar og hálf þjóðin leggst á hliðina.

Hvað er málið?

Davíð Oddsson setti Skjáinn á hliðina

Það merkilegasta við Moggann

Er að vitna í tíma og ótíma í afdankaða strjórnmálamenn.

Hver man ekki eftir fréttum sem byggðar eru á bloggfærslum ónefnds fv. stjórnmálamanns?

Þar sem njóli úti í bæ tjáir sig um eitthvað. Þá hafa Moggamenn ótímabær þvaglát yfir því.
Einhver fyrrverandi fretar og sumir hnusa og dásama fnykinn.

Svo mætir gamall bankastjóri og leysir út úldinn fret og haldin er hallelújasamkoma um fnykinn!

hvernig væri bara að gefa úr óháð fokking blað, án taps og afskrifta?

Engin ríkisábyrgð á Icesave

Popppunktur

Var að horfa á síðasta Popppunktsþáttinn áðan. Skemmtilegur þáttur, finnst mér.

Ég fór að fikta í MediaPlayer og fann þar fídus að geta spilað myndina hægar eða hraðar. Hraði myndar og hljóðs breytist án þess að hljóðtíðnir breytist, eins og gerist þegar plata er spiluð hægar eða hraðar.

Svolítið fyndið að þegar spilað er á hálfum hraða, virka allir eins og þeir hafi drukkið eitthvað mun sterkara en vatn.

2007

Um að gera, þegar maður semur lag árið 2009 um 2007, en að hafa það svolítið 1986.

<-- gumsið rataði í spilarann. Ég er rosalega 1986 núna.

Skóblæti kvenna

Það hefur löngum verid talið að konur séu haldnar skóblæti.

Sumar þeirra fara í búðir að kaupa sér stígvél, kannski fyrir 30 þúsund kall, eða meira.

maður spyr sig, til hvers?

Jú, konur hafa gjarnan sagt að þegar þær sjái herra líti þær á skóna þeirra, til að meta hvort þeir væri danshæfir. Gamlar konur aðallega.

Kommon! karlmenn spá ekki í skó og nota gömlu, slitnu, skóna sína út í hið óendanlega.

Þegar karlmaður hittir konu, lítur hann ekki á skóna hennar. Ó nei. Hann skoðar annað en það. Hann horfir á vöxtinn. Rassinn, og brjóstin, ásamt öðru. Vitanlega spila sérþarfir hvers og eins þar inn. Sumir vilja stór brjóst og arðir minni. Annars er það persónan sem öllu skiptir. Ekki brjóstin eða rassinn. Það er annað mál.

Karlmenn hafa hisvegar engan áhuga á skóm.

Því er það stór merkilegt að konur eyði tugum þúsunda í skó, til þess eins að geta haft í frammi meting hvor gegn annari, því okkur karlmönnunum er slétt sama.

Er einstæð móðir ábyrg fyrir hruninu?

Ég veit um ónefnda konu hér í bæ. Hún er einstæð móðir. Hún berst ekki mikið á og kemur manni fyrir sjónir sem ósköp ljúf og góð kona.

En er allt sem sýnist? Þegar betur er að gáð, kannski ekki.

Ég hef fyrir því heimildir að Hannes Smárason hafi verið skólabróðir hennar í MR.

Sigurjón von Icesave mun einnig hafa verið skólabróðir hennar í MR.

 

Ég hef undir höndum sönnun þess að Björgólfur Thor Björgólfsson hafi verið bekkjarbróðir hennar í Ísaksskóla.

Björgólfur er fimmti frá vinstri í efstu röð. Ónefnd er einnig á myndinni.

Hún mun vera tengd einum fyrrum valdamanni Sjálfstæðisflokksins ættartengslum.

Sem barn lék hún sér oft í húsinu að Fjölnisvegi 9, sem í dag er í eigu Hannesar Smárasonar.

Síðast en ekki síst er hún starfsmaður Landsbankans.

Hún er greinilega höfuðpaurinn og arkítektinn að hruninu.
Þarf fleiri vitnanna við? Er þetta ekki eitt stórt samsæri?

 

Er enginn að sjá þetta nema ég?

Reikningur 101

Samkvæmt frétt á Vísi, eru 4% dauðsfalla af völdum áfengisdrykkju.

Köllum þá breytu, q.

Líklega deyja x% af völdum reykinga.

Það fylgir reyndar ekki fréttinni hvernig hin 96 prósentin skipast.

Líklega deyja y% af völdum kólestrols.
Líklega deyja z% af völdum hreyfinarleysis.

ég er þá í jöfnunni x + y + z + q.

 

samkvæmt þessu eru miklar líkur til að ég hafi dáið áður en ég fæddist.

Ísleifssamningur eða torfkofabissniss?

Svo mikil hefur umræðan um Icesave verið undanfarið að á stundum hef ég fengið nóg. Líklega bara þessi eiginleiki mannskepnunnar að vilja hugsa um eitthvað annað en erfiðleikana sem hún stendur frammi fyrir.

Upplifun mín á málinu er sú að íslendingar standi frammi fyrir tveimur slæmum kostum. Séu milli steins og sleggju. Þó verðum við að velja annan kostinn, að semja eða semja ekki.

Nú höfum við samið, en samningurinn öðlast ekki gildi fyrr en Alþingi hefur lagt blessun sína yfir hann.

Ég skal ekki leggja mat á hvort samningurinn er góður eða slæmur. Fyrir liggur að það er einhver hundruða milljarða höfuðstóll. Svo deila menn um vextina. Ekki veit ég hvort 5,55% vextir teljist góðir eða slæmir í milliríkjasamningum. Hinu er þó ekki að neita að Ísland er ekki beinlínis beisið þegar kemur að lánshæfismati og það kann að skýra eitthvað. Lánshæfismat hefur áhrif á vexti.

Þó virðist mér sem hinar skiptu skoðanir fólks snúist aðallega um hvort réttlætanlegt er að semja eða ekki. Ég skil mætavel þá réttlætishugsun að skuldir sem fólk stofnaði ekki sjálft til vilji það ekki borga. Meira að segja ríkið, við allihoopa, stofnaði ekki til skuldanna heldur einhverjir gosar úti í bæ.

Því er skiljanlegt að fólk vilji ekki greiða reikninginn.

 

Ríkisstjórn(ir) Sjálfstæðisflokks og Framsóknarflokks brölluðu margt sem ég var ósáttur við. Ég hef aldrei kosið þessa flokka, en þar sem þeir höfðu meirihluti kjósenda bak við sig voru þeir í forsvari fyrir mig líka. Tough shit. Þetta kallast lýðræði.

 

Ísland gekk í EES árið 1994. Margt hefur batnað hér síðan þá. Árið 1999 setti €vrópusambandið lög um innistæðutryggingar. Þar er tekið fram eftirlitshlutverk ríkis hvers fjármálastofnanir eiga höfuðstöðvar sínar.

„Whereas the Second Council Directive 89/646/EEC of 15 December 1989 on the coordination of laws, regulations and administrative provisions relating to the taking up and pursuit of the business of credit institutions and amending Directive 77/780/EEC (5), provides for a system for the single authorization of each credit institution and its supervision by the authorities of its home Member State, which entered into force on 1 January 1993;

Whereas a branch no longer requires authorization in any host Member State, because the single authorization is valid throughout the Community, and its solvency will be monitored by the competent authorities of its home Member State; whereas that situation justifies covering all the branches of the same credit institution set up in the Community by means of a single guarantee scheme; whereas that scheme can only be that which exists for that category of institution in the State in which that institution&#39;s head office is situated, in particular because of the link which exists between the supervision of a branch&#39;s solvency and its membership of a deposit-guarantee scheme;“

Það var skylda íslenska ríkisins að halda uppi eftirliti. Hafa auga með og sjá til að tryggingasjóðurinn gæti staðið við sitt færi allt til andskotans.

Íslenska ríkið, eða eftirlitsstofnanir þess, brást þessari skyldu sinni. Þess vegna er íslenska ríkið ábyrgt fyrir afleiðingunum.

Við erum ríkið, hvort sem okkur líkar betur eða verr. Hvernig svo sem við kusum.

 

Það verður enginn dans á rósum að kyngja þessum bita. Hins vegar, með að semja, gefum við út þau skilaboð að við viljum standa undir skyldum okkar. Erlendir fjármálamarkaðir munu standa okkur opnir, þótt lánshæfismatið standi kannski í stað. Vonandi mun okkur takast að rétta úr kútnum innan fárra ára og jafnvel ná að greiða inn á höfuðstölinn og lækka þar með vaxtakosnaðinn. Ég segi vonandi. Við höfum sjö ár. Að sjö árum liðnum gætum við hafa komið okkur í þá (betri) stöðu að við næðum að endursemja eða fá hagstæðara lán annarsstaðar til að greiða þetta upp.

Sjö ár eru langur tími. Fyrir sjö árum var ekkert góðæri á Íslandi. Ég man að árið 2002 varð vinnuveitandi minn gjaldþrota. Það var lægð í íslensku atvinnulífi. Það var hvergi vinnu að fá. Eftir rúmlega árs strögl, hvar ég stofnaði fyrirtæki ásamt fyrrum vinnufélögum og vann þar fyrir hugsjónina eina, fór ég í skóla að klára BS-inn. Þegar ég lauk honum, vorið 2004 var „góðærið“ að byrja Síðan tók við lána- og eyðslufyllerí landans næstu 3,5 ár. Ég er bara að benda á að margt getur gerst á 7 árum.

Verði samningurinn ekki samþykktur á Alþingi og ekki verður hægt að endursemja (eins og hollendingar hafa þvertekið fyrir), tekur ekki betra við. Þá mun traust á Íslandi erlendis endanlega fara í postulínið. Enginn mun vilja lána okkur. Við yrðum Kúpa norðursins.

Gætum endyrnefnt landið, Súpa. Ættum kannski að halda nafnasamkeppni, þegar og ef?

Af tvennu illu tel ég skárra að standa undir skyldunum. Semja og reyna síðar að endursemja eða endurfjármagna. Við eigum þess frekar kost að geta endursamið síðar, semjum við nú og komum okkur á rétt ról. Hinn kosturinn er að skella sér á fullu í torfkofabransann. Skyldi næsti uppgangstími íslensks byggingaiðnaðar tengjast byggingu torfkofa?

Blogbugtracer

Alltaf „gaman“ að finna bögga.

Það gerðist í dag að þegar ég kíkti inn á blog-stjórnborðið mitt voru horfnir allir „opna“ linkar við athugasemdirnar. Þeir voru þar í morgun.

Ég sendi umsjónarmönnum bloggsins póst þar sem ég spurði hvort mitt blogg hefði fengið kveisu eða allur bloggheimur. Hef ekki fengið svar ennþá.

Þegar ég kom heim, undir kvöld, var ástandið eins, svo ekki tengdist þetta vafranum á vinnutölvunni.

Þegar líða tók á kvöld settist ég við tölvuna og vafraði um bloggheima. Þetta pirraði mig ekki mikið, en oggopínu. Vildi vita hvað ylli. Sá að aðrir áttu ekki í vandræðum með að kommenta á sín blogg og ég geri fastlega ráð fyrir að flestir noti einmitt þessa „opna“ linka til að fara beint in á viðkomandi blogg sín til að svara.

Svo vaknaði í mér lítill Sjérlákur Hólmur.

Ég vissi u.þ.b. hvenær þetta gerðist. Með ca klukkutíma vikmörkum og upp kom grunur um að eitt ákveðið komment ylli þessu. Eitthvað í html kóða þess sem færi svona með stjórnborðið. Þar sem örfá komment komu inn í dag var ekki erfitt að finna aðila með stöðu grunaðs.

Ég fór í færslulistann minn og fann einhverja gamla færslu sem enn var hægt að kommenta við. Setti sjálfur inn eins mörg „dummy“ komment og þurfti til að hið grunaða komment hyrfi af listanum í stjórnborðinu og voila!

Nú hef ég tekið þrjú „snapshot“ sem sýna þetta, ásamt afriti af kóða síðunnar (html source) meðan þetta var í ólagi.

Ætla að gefa bloggyfirvaldinu færi á að svara póstinum mínum og þá mun ég færa þeim niðurstöðurnar, svo þeir geti gert tilhlýðandi ráðstafanir og lagfæringar hjá sér.

Öll viljum við, jú, gera bloggið betra.

Ef ekki, birti ég það bara hér síðar.

Kreppunni er reddað

Dreifum þessu um heimsbyggðina og hún mun taka undir með Óla og Dabba. Húrra! Húrra! Húrra! Húrra!

Áfram Ísland!