Gufan snýr aftur

Ríkisútvarpið hefur ákveðið að fylgja fordæmi stjórnvalda og bakka aftur um 40 ár. Breytingin verður gerð í nokkrum skrefum. Reyndar verður ekki hægt að endurráða gömlu þulina og útvarpsstjórann, vegna óviðráðanlegra orsaka, en reynt verður eftir fremsta megni að bakka að öðru leiti.

Fréttamönnum verður fækkað verulega og svæðisbundnar útsendingar lagðar af strax. Steríó útsendingar sjónvarpsins, sem og textavarp hefur verið aflagt. 

Rás 2 verður lokað á 25 ára afmælinu, þ. 1. des n.k. Eftir áramót verða steríó útsendingar úrvarpsins aflagðar. Í vor mun sjónvarpið hætta að senda út í lit og eftir eitt ár verður sjónvarpið lagt alfarið af.

700 milljóna sparnaður hjá RÚV

1 - 1 = 0

Hvað breytist?

Ný gjaldeyrislög leggja hömlur á flutning fjár úr landi

Seðlabankinn afnemur hömlur á útflæði gjaldeyris

Þetta hlýtur að vera djók

Hömlum aflétt og nýjar settar

Er Gylfi hættuspil?

Gylfi Arnbjörnsson forseti ASÍ segir ljóst að það hafi orðið trúnaðarbrestur milli ríkisstjórnarinnar og þjóðarinnar.

Mikið rétt......nei, mest rétt.

Þó telur Gylfi hættuspil að fara út í kosningar. „Slíkt geti valdið pólitískri kreppu og kynnt undir verðbólgu.“ Nei, betra er að ríkisstjórnin kasti nokkrum karamellum að alþýðunni, til að róa hana. Skipta út hinum og þessum, sem vissulega þarf að gera líka, en ekki skipta sjálfri sér út.

Er Gylfi ekki líka einn talsmanna verkalýðsforystunnar sem vill standa vörð um það sem einna helst brennir upp eigum alþýðunnar? Verðtryggingarinnar.

„Gylfi Arnbjörnsson segir að miðstjórn ASÍ hafi ályktað um að athafnir Gunnars Páls Pálssonar í stjórn Kaupþings hafi verið ósiðlegar og ósanngjarnar. Eina leiðin til að leysa málið hafi verið að leggja það í dóm félagsmanna. Þessvegna hafi kosningum verið flýtt í verslunarmannafélaginu. Lengra sé ekki hægt að ganga.“

Það þykir semsagt sjálfsagt að halda kosningar í verkalýðsfélagi, til að skipta út þeim sem skitið hafi á sig. Það má hinsvegar ekki viðhafa sömu aðferð þegar kemur að hagsmunum allra landsmanna. Það væri hættuspil!

Er Gylfi sjálfur kannski hættuspil?

Kosningar eru hættuspil

Bjúgu og kjötfars

Nú er kreppa og allir halda að sér höndum.

Fólk fer að líta í verðið.

Allt lífrænt ræktað...........out (of dýrt)
Fiskur ............................out (of dýr)
Fillet...............................out (way to expencive)

Kjötfars.........in
Fiskibollur......in
ORA grænar...in
Slátur............in

pasta...............................in......too expencive, (anyway we like)
pasta ..............................in......fried vegtables + green pesto + a little bit of cream (fæst ekki hér 'ferkantað' spaghetti)
pasta ..............................in......fried bacon + eggs + parmesan (spaghetti / gnogghi)
pasta ..............................in......friedvegtables + mashed tomatoes (tortellini)

€vruvæðing á Íslandi

Margir hafa talað um að íslendingar eigi að taka upp Evru. Enn þrjóskast yfirvöld við, en teikn eru á lofti að Evran muni samt hefja innreið sína.

Umræðan um stuðning við Evru er þegar hafin í fjármálageiranum. Líkur eru á að fjölmargir aðilar, ekki síst í ferðaþjónustu, muni fyrr en varir taka við greiðslum í Evrum. Ekki er ólíklegt að fleiri bætist í hópinn, t.d. veitingamenn.

Útlit er því fyrir að Ísland muni Evruvæðast, sama hvað. Ef ekki um aðalinnganginn, þá um bakdyrnar.

Ísland er...

...land þitt, eða ekki

 

lagið er í spilaranum

 

Höfundur lags: Magnús Þór Sigmundsson
Höfundur texta: Hallgrímur Helgason
Flytjandi: Mói Hallfreðs

Nafnbreyting, en ekki kennitöluskipti

Bókarupplestur Seðlabankastjóra í gær hefur valdið því að ríkisstjórnarflokkarnir hafa ákveðið að gera skipulagsbreytingar í bankanum. Til greina kemur í því sambandi að skipta út stjórn bankans fyrir aðra, faglega, stjórn. Reyndar fátt annað sem komi til greina.

Reyndar hefur, óskiljanlega, ekki komið til tals að skipta ríkisstjórninni út fyrir faglega skipaða stjórn.

En aftur að Seðlabankanum...
Samkvæmt frétt á visir.is um þetta efni, segir forsætisráðherra „ekki gefið að Davíð Oddsson fari frá þó Fjármálaeftirlitið verði sameinað Seðlabanka Íslands“ eins og segir í fréttinni.

Utanríkisráðherra segir þó „Þessi faglegi bankastjóri á ekki að heita Davíð Oddsson“ samkvæmt sömu frétt.

Því er ljóst að ríkisstjórnin er ekki samstíga í málinu. Samkvæmt heimildum Bergmálstíðinda mun þó vera hugsanleg lausn í málinu. Sjálfstæðismenn vilja hlífa manninum í brúnni, meðan Samfylking vill Davíð burt.

Þann vanda megi hinsvegar leysa á einfaldan hátt.

Seðlabankastjóri, Davíð Oddsson, taki sér nýtt nafn. Þannig megi á sama tíma halda manninum en losna við Davíð.

Heimildamaður segir Davíð vera helst að hugsa um fjóra möguleika:
Tanni Oddsson, Hannes Hólmsteinn Oddsson, Jón Steinar Oddsson eða Kjartan Oddsson.

Hvert nafnanna verður fyrir valinu mun skýrast eftir fáeina daga.

Nauðsynlegt að vera samstiga

Vinnuslysahrinan heldur áfram

Vinnuslys varð í morgun, við Egilsstaðahöfn. Maður yfir fimmtugt datt af vinnumarkaði og hlaut við það beinbrot og skrámaðist nokkuð.

Aðdragandi slyssins mun hafa verið sá að maðurinn var að gera upp sippuband sitt í lok morgunkaffitímans, er annað handfangið hrökk af. Við það brá manninum svo að hann missti jafnvægið, með fyrrnefndum afleiðingum.

Nokkuð hefur borið á, undanfarið, að menn hafi dottið á svipaðan hátt. Séu þeir yfir fimmtugt detta þeir frekar af vinnumarkaði, meðan hinir yngri detta frekar í það.

Stóraukin sippubandaeign manna yfir fimmtugt er talin líkleg orsök að þeir detti heldur af vinnumarkaði, meðan stóraukin skuldasöfnun er talin örsök þess að hinir detti í það.

Detta út af vinnumarkaði

Jólabókin í ár!

Á árlegum jólabókaupplestri Viðskiptaráðs las Davíð Oddsson, Seðlabankastjóri, upp úr nýútkominni bók sinni „Fjölmiðlar í heljargreipum.“

Í bókinni lýsir Davíð samskiptum sínum gegn um tíðina, aðallega við fjölmiðla. Eins eru aðrar skemmtilegar sögur og frásagnir í bókinni. Þar má t.d. nefna söguna Lundúnaólundina. Davíð gerði vitanlega að gamni sínu, eins og honum einum er lagið og lét flakka nokkrar skemmtilegar sögur úr bankalífinu. Eina frá árshátíð banka þar sem ónefndir gerðu sér vefju úr íslenskum skuldabréfum, sem endaði með að brunabjallan fór í gang.

„Þarna stóðu menn í móki, reykjandi frá sér allt vit og enginn hlustaði á viðvörunarbjöllurnar“

Góð stemmning var á upplestrinum, mæting góð og margir keyptu árituð eintök.

Fjölmiðlar í heljargreipum

Hallelúja, segir Gunnar Krossfari

„Þetta var stórkostleg samkoma og mikil smurning“ segir Gunnar krossfari Sigurðsson, samkomustjóri um samkomu félags áhugamanna um fundahöld, sem haldin var í kvöld.

„Samkoman var afskaplega vel sótt. Útvarpað var beint frá samkomunni á útvarpi Alfa“ segir Gunnar.

Á fundinum héldu nokkrir beturvitringar tölur. Þar má helsta nefna, Böðvar Broddason og Ernir Traustason, sem báðir hafa getið sér gott orð fyrir opinbert skoðanahald.

Fundinn sóttu um 800 manns og færri komust að en vildu.

„Góðir andar voru í salnum“ segir Gunnar.

„Stórkostlegur fundur“