Hálfur utanríkisráðherra

Í nýjasta hefti Hvunndagstíðinda er skemmtilegt viðtal við Ragnar Reykás, fyrrverandi utanríkisráðherra. Viðtalið er á léttu nótunum og farið er lauslega yfir stjórnmálaferil Ragnars.

Í viðtalinu segist Ragnar ávallt hafa verið hálfur maður í starfi, enda sé það eðli máls samkvæmt. Gefum Ragnari orðið. „Að vera hálfur maður eða heill er nú ekki allt í þessu sambandi, sjáðu til. Ekki var ég alltaf heill þótt ég væri hálfur. Eins er sagt að hugurinn beri mann hálfa leið og svona, svo þá er alveg nóg að vera hálfur til að klára restina. Svo er maður alltaf meira og minna hálfur í þessum ferðalögum.“ Aðspurður um hvort hálfmennskan hafi aldrei háð honum í starfi, svarar Ragnar. „Nei, af og frá. Ég gerði mér alltaf ljóst að það skiptir engu máli hvort maður er hálfur í fullu starfi eða fullur í hálfu starfi.“

Nánast hálfur maður sem utanríkisráðherra

Athugasemdir

[Andrea, 12.6.2008 kl. 13:02]

Hahahahaha þú ert brilliant!

[Jenný Anna Baldursdóttir, 12.6.2008 kl. 13:30]

Sammála Andreu og skammastínsvo.

[Tiger, 12.6.2008 kl. 13:30]

 Hahahaha ... kæri söngfugl, þú ert snilli - endalaust gaman að lesa þig. Þú slærð raunverulegum fréttafluttningi algerlega við, stíllinn er óhugnanlega skemmtilegur. Smá flenging á þig kaddl og eigðu ljúfan dag ..

[Lára Hanna Einarsdóttir, 12.6.2008 kl. 14:01]

  Ekki hlýða Jennýju... skammastínekkert. 

[Anna Einarsdóttir, 12.6.2008 kl. 16:38]

Hlýddu Láru Hönnu að hlýða ekki Jennýju og skammastínekki svo. 

[Brjánn Guðjónsson, 12.6.2008 kl. 16:52]

já, ég skal hlýða ykkur öllum