Jólafargan

Ég er ekki jólabarn. Hætti að halda jól, með öllu sem þeim fylgir, fyrir tveimur árum. Nema hvað ég gef jólagjafir samkvæmt þeim staðli sem ég hef fylgt um áraraðir.

Systkynabörn undir fermingaraldri fá gjafir og svo auðvitað föðurbetrungarnir mínir.
Í ár er það einn 10 ára frændi, plús gullin mín.

Mér verður hugsað til sannindanna í einleiknum „Hellisbúanum.“ Karlmenn eru veiðimenn.
Ég fór semsagt áðan og afgreiddi þrjár gjafir í þremur skotum. Tók ca. klukkutíma í afgreiðslu.

Reyndar, svo ég segi satt og rétt frá...þá krafðist hluti einnar gjafarinnar nokkurra daga fyrirvara og undirbúnings og var landað í morgun.

Segi ekki meira. Maður veit aldrei hver laumast til að lesa þetta pár mitt.

Skarðsheiðin

Einu sinni kynntist ég konu sem kallaði sig Skarðsheiðin. Þ.e. það var msn nafnið hennar.

Úr þeim kynnum varð samband sem hélst, með hléum, í þrjú ár.

Mér datt það sisona í hug, án þess ég ég segi meira af því sem okkur fór á milli uppi á fjöllum. Slíkt myndi eyðileggja veiðisögur hvaða rjúpnaskyttu sem er.

Fundust heilir á húfi

Dagurinn í dag

Ég hitti föðurbetrungana í dag. Fórum saman í bröns til systur minnar, sem er að fara af landi brott eftir áramót.

Kjarnakvendið er á leið til Líberíu, í friðargæslu. Sem betur fer er frekar friðsamt þar og mín elsku systir verður ekki vopnum vædd í stórhættu. Nei, en hún mun hinsvegar starfa í nánum tengslum við UNIFEM, að reyna að bæta kjör kvenna þar, hafi ég skilið hana rétt. Ég ér ógó stoltur af henni systur minni.

Dóttir hennar, hún Birna Dís, sem hefur verið erlendis í marga mánuði, var á staðnum. Hún verður samt farin aftur fyrir jól. Elsku Birna Dís. Svo flott stelpa, eða kona, orðin 21 árs.

Það verður erfitt að hafa ekki stóru sys í svona langan tíma, en samt örugglega erfiðara fyrir hennar ektamann. Hann á þó alltaf tengdafrændamág sem hann getur alltaf leitað til með allan sinn beturvitringsskap.

Kannski er kreppa, en ég er svooooo ríkur

Rannsóknir prófessora

Nú er tíska að skera niður, hér og þar. Það síðasta sem ég skar niður var laukur.

En án gríns, þá skilst mér að prófessorar hafi rannsóknaskyldur að auki við kennsluskyldur sínar. Hvar eru niðurstöður þessarra rannsókna birtar? Hvernig get ég, eða hver annar, fylgst með að prófessorar sinni sínum rannsóknaskyldum?

Ég hef ekki séð eitt eða neitt um eina einustu rannsókn eins einasta prófessors.

Eru þeir ekki bara að græða á daginn og grilla á kvöldin?

Afnema kennsluafslátt

Hvað erum við að kvarta?

Stjarnan mín hún Birna

Yndislega dóttir mín, sem hefur músík í sér. Hún hefur sungið inn tvö lög, með mínum afskiptum.

Er ekki lagið að koma þeim á framfæri? Það fyrra sungið haustið 2006 þegar hún var tæplega 10 ára og hið seinna sumarið 2007 þegar hún var 10 og hálfs árs.

Í minningu Bóbós

Ég átti samtal við ástkæra dóttur mína í kvöld. Hún sagði farir sínar ekki sléttar. Henni var mikið niðri fyrir og var með ekka.

Bóbó er dáinn.

Þessi gleðigjafi og hvers manns (og fugls) hugljúfi. Ekkert hafði amað að honum fyrr en í dag og Birna mín horfði á þennan vin sinn kveðja þennan heim, óforvarendis.

Dýralæknirinn sagði að hjartaáföll væri tíð hjá gárum.

Bóbó fer líklegast ekki í krufningu, né að annarskonar rannsókn fari fram á dauða hans. Því verður hjartaáfall líklega skýringin á hans sviplega fráfalli.

Hann var ungur. Ekki nema eins árs. Hann var sóttur, sem ungi, í dýrabúð á aðfangadag jóla 2007. Hann bjó síðan í góðu yfirlæti tveggja barna sem þóttu vænt um hann. Sjálfur naut ég félagsskapar hans fyrr í sumar. Í júní, meðan forráðamenn hans skruppu til vesturheims.

Við Bóbó áttum góðan tíma saman. Móuðumst hvor í öðrum og áttum þess á milli heimspekilegar samræður um menn, fugla og málefni.

Bóbó var afar málefnalegur og fylginn sér í allri þeirri vitleysu sem hann tók sér fyrir hendur vængi.

Mig langar að kveðja þennan einlæga og góða félaga sem ég kynntist, því miður, of lítið.

Blessuð sé minning þín Bóbó.

Hávísindalegar pólitískar vangaveltur um útlit ríkisstjórna

Ég rakst í dag á tengil á vefsíðu, þar sem fólk getur sóað tíma sínum í að búa til börn. Eftir að hafa gert nokkrar tilraunir með hinar og þessar myndir fékk ég þá hugmynd að nýta þessa hávísindalegu leið til að kanna nokkur ríkisstjórnarmynstur. Við getum sagt að ríkisstjórn sé afkvæmi þeirra flokka sem hana skipa.

Þar sem, eðli málsins samkvæmt, barn getur að hámarki átt tvö foreldri kom ekki til greina önnur stjórnarmynstur en tveggja flokka.

Í dag eru það einungis D+S annarsvegar og D+V hinsvegar sem geta myndað tveggja flokka stjórn með þingmeirihluta á bak við sig. Samkvæmt nýjustu skoðanakönnunum gætu S+V hinsvegar myndað slíka stjórn að undangengnum kosningum.

Til að hafa kynjajafnrétti í hávegum og að móðga nú engan, setti ég ávallt konu í móðurhlutverkið og karl í föðurhlutverkið. Ýmist með formönnum flokkanna eða varaformönnum. Hvoru foreldrinu barnið líkist meir, fer eftir þingstyrk þess foreldris (sirka).

Núverandi ríkisstjórn lítur svona út.

Skiptum við formönnum flokkanna út fyrir varaformennina, liti hún svona út.

Mynduðu Sjálfstæðismenn og Vinstri grænir ríkisstjórn, liti hún annað hvort svona út

eða svona

Færu fram kosningar nú og í framhaldinu skipuðu Samfylking og Vinstri grænir ríkisstjórn, hafandi þingmannafjölda samkvæmt skoðanakönnunum, fengjum við þessa stjórn

eða þessa

Svo verður hver að gera upp við sig hvaða stjórnarmynstur hann kýs.

And evrópunefnd

Á sama hátt og €vrópunefnd hjá sjálfstæðismönnum, legg ég til að skipuð verði and-evrópunefnd. það er nauðsynlegt til að halda jafnvæginu.

ég sting upp á tveimur einstaklingum í nefndina:

Jón Baldvin Hannibalsson
Eiríkur Bergmann

Bylting?

Þegar ég var að yfirgefa Austurvöll í gær, eftir að hafa látið japanska sjónvarpið taka af mér mynd við að skila lykli með að hengja hann á jólatréð, gekk ég fram hjá tveimur stúlkum. Þær réttu mér miða sem ég stakk í vasann. Þegar heim kom las ég hvað á miðanum stóð. Þar er talað um byltingu.

Hér er miðinn:

Erum við að tala um AK-47 á mánudag, eða bara egg?