Klíkustríðinu lokið?

Þrír piltar; Tryggvi Jóhannsson, Jón Ásgeirsson og Jón Geraldsson, voru í dag fundnir sekir um ávísanafals og útgáfu falsaðs veikindavottorðs. Málið, sem hefur tekið allt of langan tíma og kostað allt of margar milljónir, hófst þegar stóðu sem hæst klíkustríð í Reykjavík milli Nýgræðingaklíkunnar og Eigendaklíkunnar.

Eins og fólki er enn í fersku minni hallaði á Eigendaklíkuna í þeirri styrjöld sem snerist til varnar með smjörklípum. Við rannsókn smörklípanna fannst fölsuð ávísun upp á 1.500 krónur í herbergi Tryggva og eins kom í ljós að veikindavottorð sem Jón Ásgeirsson hafði framvísað í skóla hafði hann skrifað sjálfur.

Öðrum liðum ákærunnar var vísað frá dómi, þ.m.t. ákæruliðnum um hnupl á kílói af gospillum.

Ekki náðist tal af þremenningunum, fyrir prentun. Þó hringdi piltur á ritsjórnarskrifstofu Bergmálstíðinda, eftir uppkvaðningu dómsins og vildi koma þeim skilaboðum til allra í Eigendaklíkunni að það yrði partí í vesturbænum í kvöld. „Boðið verður upp á stýrivexti á línuna, eins og hver getur í sig látið“ sagði pilturinn, sem ekki vill láta nafns síns getið.

Dómar staðfestir í Baugsmáli

Obama tryggir sér útnefningu

Það er ekki að spyrja að snilld Kanans. Eftir að hafa kosið yfir sig óbermið og erkibjánann Bush hafa þeir, þ.e. demókratarnir, valið njólann Obama til að stýra sinni skútu. Reyndar ekki erfitt verkefni fyrir hann, gegn ennmeirinjólanum hvers nafn enginn man. Hann mun þó vera frambjóðanri hinns flokksins. Gott er að vita, að nú hálfu ári fyrir kosningar að næsti forseti bandaríkja norður ameríku, hinu mest hnignandi ríki vesturlanda, mun verða njóli.

Obama tryggir sér útnefningu

Benedikt XVI: Hungur óviðunandi

Geimveran Benedikt XVI, gestur frá plánetunni Gxangiu á matarráðstefnu SÞ, segir það óviðunandi að ráðstefnugestir hafi þurft að búa við hungur og vannæringu frá því þeir komu á ráðstefnuna í gær. Skorar hann á Ítali, sem eru gestgjafar ráðstefnunnar, að splæsa pizzur á línuna. Gestir hennar hafi ekki ráð á að kaupa sér pizzur á því verði sem Ítalir setji upp.

Í umfjöllun fréttavefjar BBC um matarráðstefnuna kemur fram að matarkostnaður hafi ekki verið jafn hár í þrjátíu og ár og í fjölda landa hafa komið til átaka vegna þessa. Það sé óviðunandi hve Ítalir ætli sér að græða á öllu saman með okri á pizzum.

Framkvæmdastjóri ráðstefnunnar, Banki Mún, vill þó fara varlega í pizzuát. Segir hann hrísgrjón betur fallin til átu.

Kastljós fjölmiðla hefur ekki einungis beinst að þeim pizzumálefnum sem ræða á í Róm heldur einnig að Robert Mugabe, forseta Zimbabwe, sem situr ráðstefnuna þrátt fyrir ferðabann til ríkja Evrópusambandsins. Sendinefndir Bretlands og Ástralíu hafa mótmælt harðlega þeirri ákvörðun að heimila Mugabe að sitja ráðstefnuna og er talið að fjöldi sendinefnda muni sniðganga Mugabe á ráðstefunni sem lýkur á fimmtudag. Hann sé jurtaæta og því sé ekki að marka hann.

Benedikt XVI: Hungur óviðunandi

Hið þrískipta vald

Oft er talað um hið þrískipta vald lýðræðisríkis; löggjafavald, dómsvald og framkvæmdavald.

Í eina tíð var sá háttur hafður á hérlendis, að lögregluembætti fóru jafnan með dómsvald sem og sitt hefðbundna framkvæmdavald. Þessu var breytt eftir dóm suður í Evrópu. Nú fer lögregla ekki lengur með dómsvald.

Mér verður oft hugsað til þess hvernig þessu er háttað varðandi löggjafavaldið og framkvæmdavaldið. Þegar kemur að Alþingi versus ríkisstjórn, dettur mér gjarnan í hug tveir ísmolar sem bráðið hafa saman.

Nú tíðkast ísmolafyrirkomulagið víðar en á Íslandi. Það þykir mér þó engin bót.

Það verður heppilegt fyrir Geir H. Haarde, forsætisráðherra, æðsta mann framkvæmdavaldsins, að leggja frumvarp fyrir löggjafavaldið Alþingi, skipta síðan um jakka og greiða atkvæði um frumvarpið, sem þingmaður löggjafavaldsins. Skella sér síðan í framkvæmdavaldsjakkann á ný og starfa eftir hinum nýju lögum, sem frumvarp hans verður þá orðið að.

 

Svona á að gera þetta  Setja sjálfur reglurnar sem maður þarf að starfa eftir.

Frumvarp um lánsheimild lagt fram í vikunni

Ákveðin mistök

Í Silfri Egils, fyrr í dag, voru formenn stjórnmálaflokkana einróma á þeirri skoðun að setning laganna um eftirlaun þingmanna, ráðherra og æðstu embættismanna, sem sett voru árið 2004, hafi hvorki verið slæm mistök, klaufaleg mistök, eða bara einfaldlega mistök. Nei, þeir segja setninguna hafa verið 'ákveðin' mistök. Það hafi allt frá upphafi verið harðákveðið að setja umrædd lög og allir verið á einu máli um það. Því verði gjörningurinn að teljast ákveðin mistök. Mjög ákveðin mistök.

Mistök gerð við setningu eftirlaunalaga

Tap, en ekki skíttap

Hillary Clinton, sem hefur þurft að játa sig sigraða í hverju fylkinu á fætur öðru í forkosningum til útnefningar forsetaefnis demókrata í Bandaríkjunum, náði að merja sigur í kvöld í Kentucky. Ríki hinna afskræmdu kjúklinga. Þetta þykir persónulegur sigur fyrir Hillary, sem nú getur séð fram á að tapa í stað þess að skíttapa. Hún hafði einn Zinger, tvo bita, franskar og pefsí, meðan andstæðingur hennar náði einungis einum bita, frönskum og sósu.

Bergmálstíðindi munu flytja nánari fréttir ef þær berast.

Clinton spáð sigri í Kentucky

Ekki hægt að djamma lengur fyrir Palestínukonum

Það er ekki ofsögum sagt, að þau tíðindi að til standi að streyma hingað til lands Palestínskum konum og börnum þeirra eru slæm fyrir alla alvöru djammara landsins. Það verður ekki þverfótað á börum landsins fyrir Palestínskum einstæðum mæðrum.

 

Nýr forstjóri Varnarmálastofnunar

Utanríkisráðherra skipaði í dag Ellý Viðarsdóttur nýjan forstjóra Varnamálastofnunar Íslands. Frá og með 1. júni n.k. mun hlutverk stofnunarinnar breytast og starfsemin eflast til muna. Við inngöngu Íslands í NATO tóku Bandaríkjamenn að sér varnamál Íslendinga. Fram að því hafði ekki verið þörf á sérstökum landvörnum hér, þar eð Íslendingar áttu enga óvini. Frá því Bandaríkjamenn hurfu héðan og til Íraks hafa hinar og þessar þjóðir hlaupið í skarðið, s.s. Norðmenn og Frakkar. Nú munu landvarnir Ísland færast alfarið á hendur Íslendinga sjálfra.

Í samtali við Bergmálstíðindi segir Ellý starfið afar krefjandi og mörg stór verkefni framundan. Nú fari í hönd að stofna Íslenskt heimavarnarlið, sem kalli á stór auknar kröfur um gæði íslenskra heykvísla og kindabyssa. Að sama skapi munu allir bændur landsins hljóta sérþjálfun í meðferð slíkra vopna. Eins fari í hönd leit að verðugum óvini. „Leitun hefur verið að slíkum eftir þorskastríð og eftir að Shirinovsky fór að halda kjafti“ segir Ellý.

 

Skipuð forstjóri Varnarmálastofnunar

Fjallræðan

G. W. Bush hélt fjallræðu sína í dag.

Í henni skoraði hann m.a. á Bandaríkjamenn að draga sig alfarið frá mið austurlöndum.

„Við verðum að standa með góðu og heiðarlegu fólki í Íran og Sýrlandi, sem eiga mun betra skilið en það líf sem það lifir nú“ sagði Bush m.a. og vísar þar til þess að ástandið væri ekki eins og það er hefðu Bandaríkjamenn ekki hafist þar við með hernaði.

Einnig sagði Bush; „Ef helsta stuðningsríki heims við hryðjuverkastarfsemi yrði leyft að komast yfir banvænasta vopn í heimi væri verið að svíkja komandi kynslóðir.“ Honum var í framhaldinu bent á að Bandaríkin ættu nú þegar kjarnavopn í massavís.

Þá eyddi hann talinu og sagði; „Hamassamtökin væru að reyna að grafa undan friðartilraunum með hryðju- og ofbeldisverkum.“

Fjallræðan mun koma út í heild, í tveimur bindum, í haust.

Bush hvetur til aðgerða gegn Hamas

Hálmstrá hækka

Heimsmarkaðsverð á hálmstráum hefur hækkað um 60% frá áramótum. Skýringuna mun helst vera að finna í aukinni ásókn íslenskra and-evrópusinna.

Íslenskir and-evrópisinnar hafa hingað til haft greitt aðgengi að hálmstráum, en nú virðist von á öðru.

Hjörleifur Guttormsson, formaður and-evrópusinna, segir þetta vondar fréttir. Ragnar Arnalds, formaður Heimóttasamtakanna segir þetta vondar fréttir. Steingrímur Joð, óbreyttur þingmaður, segir þetta vonar fréttir. Bjarni Harðar, þingmaður horfins flokks, segir þetta bull.

„Hálmstráin eru á hverju engi. Við íslendingar eigum gnógt hálmstráa og þurfum ekki að leita lengra eftir þeim“ segir Bjarni.

Því má við bæta að Bjarni er frístundabóndi á Bakka og ræktar hálmstrá og rófur.