Gylfi Ægis

Veit einhver ímeilið hans Gylfa Ægis? Náði ekki í hann, en verð að gera það.

Er búinn að misþyrma einu beibíinu hans og þarf hans blessunar við til að geta látið það frá mér.

Biðin langa á enda

Mörg gömul harmonikku- og sjóarahjörtu tóku kipp í dag, er þær fréttir bárust að hljómsveitin Áhöfnin á Halastjörnunni hefði gefið út nýjan hljómdisk. Diskurinn, sem ber heitið Hrefnukvóti, hefur að geyma alls 10 lög. Öll eftir Gylfa Ægisson. Ýmsir gestasöngvarar leggja hljómsveitinni lið sitt á disknum. Þar má telja Bubba Morthens, Eyjólf Kristjánsson og Eyþór Arnalds. Sem fyrr syngja svo einnig þeir Rúnni Júl og Gylfi Ægis.

Rúnni Júl sagði, í viðtali við Bergmálstíðindi, liðsmenn sveitarinnar lengi hafa fundið fyrir þrýstingi að koma saman á ný. „Þögnin var orðin þrúgandi“ segir Rúnni. Hvað efnistök texta disksins segir Rúnni örlitlar áherslubreytingar vera frá seinustu plötu, sem einungis kom úr á vínyl. „Á síðustu plötu var meiri áhersla á síld og karfa. Nú erum við meira í stórfiskum og sjávarspendýrum. En auðvitað megin þemað, eins og áður, hve slor er rómó og maddsjó.“

Hrefnukvóti gefinn út í dag

Mozart hvað?

Kalli teygja og meira stuð á föstudegi

Vinnufélagi minn benti mér á þetta lag. Ég bara verð að deila þessu með ykkur. Slík snilld má ekki fara framhjá alþýðunni.

og ekki er þetta síðra

 

Verkalýðsins forysta tannlaus löngu er orðin...

Tennurnar hans afa - Forystan.

Frumflutt í útvarpi þann 1. maí 1995.

Samningar undirritaðir

Woman

Setti inn lag í spilarann, sem ég hef þó skrifað á THA vegna þess hve mörg 'sömpl' ég notaði úr gömlum THA lögum í þessu lagi. Fyrir þá sem ekki vita stendur THA fyrir 'Tennurnar hans afa'.

En allavega, njótið píkupoppins

Shoutcast vs iTunes

Ég rembist nú við að sitja við tölvuna. Hálf slappur og búinn að melda mig out of function gagnvart vinnunni, en nenni samt ekki að liggja í bælinu. Er að hlusta á eðal danstónlist af Shoutcast gegn um WinAmp.

Minnir mig á það...Ég fékk þessa líka flottu jólagjöf frá vinnunni. iPod nano 8GB, en þar sem ég er þverhaus og með krónískt ofnæmi fyrir iTunes og öllu sem ber eplismerkið gaf ég þennan iPod. Ég hefði ekki notað hann að neinu ráði hvort eð er. Honum er betur fyrir komið þar sem hann verður notaður.

Hvernig er það þó, er hægt að hlusta á svona buns af útvarpsstöðvum á iTunes? Spyr sá sem ekki veit. Ég mæli þó með shoutcast.com eða bara WinAmp. Þúsundir af stöðvum í topp tóngæðum

Apologize

Á s.l. miðvikudagskvöld poppaði lag í hausinn á mér, algerlega upp úr þurru. Lagið hljómaði í hausnum á mér, en ég mundi hvorki heiti lagsins né flytjandans. Ég mundi bara að lagið hafði verið vinsælt í fyrra. Mig langaði strax að leika mér eitthvað með þetta lag, en til þess þurfti ég auðvitað að hafa upp á laginu. Ég hófst handa við að fálma í myrkri internetsins að lagi sem ég vissi ekki hvað héti, hvað þá meir. Ég reyndi að muna hver flytjandinn væri, en án árangurs. Mörg nöfn komu upp í hugann. Eftir að hafa fundið Billboardlista yfir vinsælustu lög ársins 2007 tókst mér, ásamt með aðstoð youtube.com, að finna lagið. Lagið heitir Apologize og flytjandinn kallar sig Timberland.

Ég hófst handa við að saga lagið í búta og hef verið að kroppa í það annað slagið síðan. Ég notaði á það buffhamarinn, setti það í marineringu og var óspar á kryddið. Nú hef ég tekið lagið úr marineringu og borið fram, hér til vinstri. Vesgú.

Please accept my apology, for 'my apologize', Mr. Timberland.

Breakdance

Ég rakst á lag inni á tölvunni minni. Lagið er frá árinu 1984 og var í kvikmyndinni Breakdance. Lagið heitir Reckless og er flutt af snillingnum Ice T, sem varð stjarna fáum árum seinna og er nú orðinn leikari í sjónvarpsþáttum sem og þáttagerðamaður, m.a. á Discovery channel. Þegar ég fann þetta lag og hlustaði á, hvarf hugurinn 23 ár aftur í tímann og mig langaði að gera 'bylgjuna'.

Ég man sem gerst hefði í gær, þegar ég og vinur minn fórum aftur og aftur að sjá þessa mynd. Fíluðum efnið í botn en líka til að pikka up spor. Vorum sammála um að Reckless væri besta lagið á sándtrakkinu. Reyndar voru fleiri lög í myndinni en komu á plötunni. Eins og lag með The art of noise, sem ég man ekki í svipinn hvað heitir, en á á vínil einhversstðar. Svo ekki sé talað um remix af Tour de France, með Kraftwerk, sem ég vitanlega keypti um leið og það kom í verslanir, enda langflottasta lagið og við flottasta atriði myndarinnar, þar sem ein aðalpersónan dansaði snilldarlega við strákúst.

Ég setti þetta lag, Reckless, inn á spilarann hér, ásamt fjórum öðrum lögum úr sömu bíómynd; Breakin' sem er titillag myndarinnar og Ain't nobody, með Chaka Chan, sem var einnig í þessari mynd, en náði ekki almennum vinsældum fyrr en það var endurútgefið, stuttu seinna. Svo fylgir Tour de France auðvitað með, enda snilld. Svo setti ég umrætt lag með The art of noise, hvers ég veit ekki heiti.

 Let's break!

p.s. fyrir rokkara, þá er ekki einn einasti sveittur gítar í neinu þessara laga. þetta er allt eðal electro funk / electro pop / techno pop, nema kannski heillin hún Chaka Chan, sem er meira bara pop.

og yndislegt að heyra Roland TR-808 sándið. Nostalgísk fryggð!