Stokkseyringar fagna

Um 200 Stokkseyringar fögnuðu Hildigunni Hilmardóttur í dag er hún kom heim með Kleinubikarinn eftirsótta.

Hildigunnur sigraði, eins og frægt er orðið, í Evrópsku kleinukeppninni. Hafði hún betur í úrslitabakstrinum við lafði Helenu Mayer, frá Wales. Kleinur Hildigunnar þóttu bera af.

Lýst hefur verið yfir tveggja daga fríi á öllum vinnustöðum Stokkseyrar og munu hátíðahöldin standa allan þann tíma.

Um 200 þúsund fagna Portsmouth

Indjáni Jóns slær í gegn

Fjórða myndin í röðinni um Indjána Jóns var frumsýnd í Cannes í dag. Myndin, sem ber heitið Indiana Jones - An old man's fart hefur hlotið lof gagnrýnenda. Í gærkvöldi var myndin kynnt fyrir félagi gagnrýnenda og var þar boðið upp á snittur og bollu. Talsmaður gagnrýnenda segir mikið til koma þótt fáir úr hans röðum hafi séð sér fært að mæta á frumsýninguna í dag.

Myndin verður tekin til sýninga hérlendis í júlí, í Stokkseyrarbíói.

Indiana Jones fær góða dóma

Fjallræðan

G. W. Bush hélt fjallræðu sína í dag.

Í henni skoraði hann m.a. á Bandaríkjamenn að draga sig alfarið frá mið austurlöndum.

„Við verðum að standa með góðu og heiðarlegu fólki í Íran og Sýrlandi, sem eiga mun betra skilið en það líf sem það lifir nú“ sagði Bush m.a. og vísar þar til þess að ástandið væri ekki eins og það er hefðu Bandaríkjamenn ekki hafist þar við með hernaði.

Einnig sagði Bush; „Ef helsta stuðningsríki heims við hryðjuverkastarfsemi yrði leyft að komast yfir banvænasta vopn í heimi væri verið að svíkja komandi kynslóðir.“ Honum var í framhaldinu bent á að Bandaríkin ættu nú þegar kjarnavopn í massavís.

Þá eyddi hann talinu og sagði; „Hamassamtökin væru að reyna að grafa undan friðartilraunum með hryðju- og ofbeldisverkum.“

Fjallræðan mun koma út í heild, í tveimur bindum, í haust.

Bush hvetur til aðgerða gegn Hamas

Innrás í Burma

Það hafa verið gerðar innrásir í lönd fyrir minna tilefni. Innrás í Írak til að tryggja Ameríkönum olíu, til dæmis.

Það væri réttast að steypa þessari einræðisstjórn af stóli. Stjórn sem gefur ekki 'Jack shit' fyrir þegna sína. Þarna eru tugir þúsunda manna deyjandi og hjálpar þurfi. Svo er verið að þrefa um leyfi til að koma til landsins. Henda þessum mönnum út í hafsauga!

Þrýst á yfirvöld í Búrma

Örgjörvasugan Feisbúkk

Er á facebook og hef eignast þar vini úr öllum heimshornum. Nema hvað, þar er hægt að senda vinum sínum allskyns dótarí. Blóm, kossa, allskyns spurningalistapróf og hvað og hvað. Eftir því sem vinunum fjölgar, fjölgar öllu þessu dóti sem maður fær sent. Ég sinnti þessu samviskulega lengi vel, að taka við því sem mér var sent og listinn ávallt tæmdur. Svo var einhverntímann að ég fór ekki inn á vefinn um hríð og þegar ég mætti aftur voru sendingarnar orðnar of margar til ég gæti eða nennti að sinna þeim. Síðan hefur þeim bara fjölgað og ég ekki haft undan. Áðan ákvað ég að gera skurk og fór gegn um listann og 'ignoraði' flestar sendingarnar. Alls 410 að tölu. Úff. Nú eru 'aðeins' 45 eftir.

Það var þó ekki efni þessa pistils, allar sendingarnar. Heldur það að facebook.com er alveg ferlega þung. Ég hef tekið eftir því bæði á tölvunni heima og í vinnunni.

Alla jafna er tölvan mín þögul. Þegar reynir á örgjörvann, t.d. þegar ég þjappa stórum skrám eða er að 'exporta' lagi heyri ég viftuna fara í gang. Annars heyrist ekki múkk. Nema þegar ég opna facebook. Þá er viftan meira og minna suðandi, allan tímann.

Ansi athyglisvert. Þetta er jú bara 'aum' vefsíða. Reyndar er nú komið 'online chat' þar sem maður getur spjallað við vinina, en þetta hefur alltaf verið svona þung síða. Áður en spjallið kom til sögunnar.

Ætli facebook þurfi að finna sér betri forritara, sem kunna að skrifa almennilegan kóða?

Jónatan sýknaður

Eftirréttur sýknaði í dag Jónatan Liningstone máv, af þeirri sök að hafa með yfirgangi haft í frammi hreiðurbrot og ungaát við Bakkatjörn.

Í dómi Eftirréttar segir meðal annars; „Mávar hafa ekki roð í álftir og því er það útilokað að ákærði hafi getað framið verknaðinn.“

Í framhaldinu hefur komið í ljós að verknaðurinn var aldrei framinn og því ljóst að Jónatan er sýkn saka. Hins vegar mun hafa sést til ferða einhvers á staðnum. Lögreglan vill lítið gefa út um það mál, en heimildamaður Bergmálstíðinda segir þar hafa verið á ferð seðlabankastjóra nokkurn sem hafi verið að gera tilraunir með stýrivexti, á fuglum.

Krónan undir grænni torfu

Geir H. Haarde, forsætisráðherra, tjáði í dag þá skoðun sína að íslenskir moldarkofar væru betri er evrópsk tjöld.

Aðsprður sagði Geir „Krónan rúlar“

Í ljósi síðustu fregna af öndunarvél krónunnar, eru líkur á hún lifi af vikuna.

Bergmálstíðindi munu ljá mála þegar ráðamenn hafa komið úr móki.

Geir: Ég vil ekki ganga í ESB

Hálmstrá hækka

Heimsmarkaðsverð á hálmstráum hefur hækkað um 60% frá áramótum. Skýringuna mun helst vera að finna í aukinni ásókn íslenskra and-evrópusinna.

Íslenskir and-evrópisinnar hafa hingað til haft greitt aðgengi að hálmstráum, en nú virðist von á öðru.

Hjörleifur Guttormsson, formaður and-evrópusinna, segir þetta vondar fréttir. Ragnar Arnalds, formaður Heimóttasamtakanna segir þetta vondar fréttir. Steingrímur Joð, óbreyttur þingmaður, segir þetta vonar fréttir. Bjarni Harðar, þingmaður horfins flokks, segir þetta bull.

„Hálmstráin eru á hverju engi. Við íslendingar eigum gnógt hálmstráa og þurfum ekki að leita lengra eftir þeim“ segir Bjarni.

Því má við bæta að Bjarni er frístundabóndi á Bakka og ræktar hálmstrá og rófur.

Galdratala, út í hött

Ég hef ekki kynnt mér reglur um gjafsókn, en er sammála því að einhver 130 þúsunda króna tekjumörk eru della.

Í raun ættu allar málafyrirtökur þar sem þegnar sækja á ríkið að vera gefins, rétt eins og erindi til Umboðsmanns Alþingis. Hvað varðar einkamál ætti það að vera matsatriði hverju sinni en ekki einhver galdratala. Fáránlegt að setja puttann í loftið og úrskurða 130 þúsund. Á hverju byggir sú ákvörðun?

Þrengt að réttinum til gjafsóknar

Algeria bókunin

Síðar á árinu stendur til að uppfæra hina kunnu Kyoto bókun. Verður þar bætt inn nokkrum atriðum og þannig samin ný bókun. Þetta verður gert á alþjóðlegu þingi í Túnis og mun nýja bókunin hljóta heitið Algeria bókunin.

Eitt atriðanna sem sett verða í nýju bókunina er fitu- og þyngdarkvóti. Þannig verður ríkjum úthlutaður kvóti sem takmarka á magn fitu og og þyngdar íbúa hvers ríkis.

Ekki þótti rétt að takmarka þyngd eða fituprósentu per þegn, heldur er reiknaður fituþyngdarstuðull ríkisins, sem er meðaltal margfeldis samanlagðrar fituprósentu og heildarþyngdar allra þegna ríkisins. Þetta á að koma í veg fyrir að feitum börnum og stóru grönnu fólki verði mismunað.

Þegar hefur komið fram beiðni frá Bandaríkjamönnum um að fresta þessu atriði og til vara að kvóti Bandaríkjanna verði tvöfaldur. Annað muni skapa mikil þjóðfélagsleg vandamál heima fyrir og fjöldagjaldþrot margra stórra fyrirtækja, sem og heimila.

Eins og að framan greinir mun þingið fara seint á þessu ári. Líklega í nóvember. Því er við að búast að allir Íslendingar verði kallaðir til þyngdar og fitumælingar snemma á næsta ári.

Offita stuðlar að loftslagsbreytingum