Segir af sér sem frændi

Borgarinn Ólafur F. hefur þegar sagt sig úr Frjálslynda flokknum. Einnig hefur hann sagt af sér sem varamaður skipulagsráðs, í kjölfar fúkyrðaflaums annars borgarfulltrúa þar, í sinn garð, á fundi skipulagsráðs nýverið.

Í kvöld tilkynnti Ólafur að í kjölfar „móðgana og yfirgangs,“ eins og hann orðar það, hafi hann sent afsögn sína til Hagstofu íslands sem frændi Jófríðar F. Jensdóttur, frænku sinnar. Ólafur segist ekki munu sinna frændskyldum í hennar garð héðan í frá.

Atvikið mun hafa átt sér stað í fermingarveislu dóttur Jófríðar, í apríl s.l. Ólafur hafi misst takið á tertuhníf með þeim afleiðingum að hann skar á slagæð við úlnlið. Jófríður mun þá hafa sagt honum að leita læknis.

Segir af sér sem varamaður

Fyrningarleiðin

Forsætisráðherra kynnti í dag stefnu nýrrar ríkisstjórnar að lausn að vanda heimilanna.

Fyrningarleið.

Í stuttu máli er hugmyndin sú að ekkert verði gert í langan tíma. Svo langan að þegar loksins eitthvað verði gert verði fólk orðið að fornmönnum framtíðarinnar. Fólk þurfi einungis að þola fátækrafjötra í nokkur ár. Eftir það muni skuldir þeirra verða svo fornar að greiða megi þær með geitum eða spesíum. Eins megi útklá skuldir með vígum og öðrum mannfórnum. Þó skuli það gert eftir forskrift Gráskinnu.

Drekkingarhylur mun þó ekki verða opnaður almenningi, þar eð hann tilheyri Þingvöllum, sem er á heimsskrá Sameinuðu þjóðanna. Hins vegar munu Elliðaárnar verða opnar almenningi, sem og Sundhöllin.

Afsláttarkort fást hjá ÍTR.

Fyrningarleið víst farin

Lofa samstarfið með samtökunum

Rapparinn Mc. Obama kom fram á alþjóðaþingi Al-Anon samtakanna í kvöld. Með honum voru samstarfsmaður hans, Dj. Hamid og umboðsmaður þeirra beggja, Hr. Zardari.

Mc. Obama steig í pontu og úttalaði sig um hve samtökin hafi gert honum gott. Hann hafi átt erfiða æsku. Rómur var gerður að ræðu Obama. Hins vegar var aðsúgur gerður að Dj. Hamid. Mestmegnis af ungum stúlkum sem vildu eiginhandaráritanir hans.

 

Meðfylgjandi mynd var tekið við tilefnið. Mc. Obama er fyrir miðju. Hægra megin er Hr. Zardari, en Dj. Hamid er sá í kjólnum.

Treystu böndin gegn Al-Qaeda

Sameindasamstæðutvíildissímaviðtöl við Gylfa

Raufarhöfn 5. maí 2005 

Maður er nefndur Greipur Rögnvaldsson. Tæknifræðingur að mennt og áhugamaður um nýal um nokkura ára skeið. Síðustu þrjú ár hefur hann stundað frístundabúskap að Neðri-Rauf, rétt innan Raufarhafnar, meðfram áhugastarfi sínu við uppfinningastarfsemi.

Nú í vetur hefur honum orðið vel ágengt í vinnu sinni við hönnun þess er hann kallar sameindasamstæðutvíildissíma og er búnaður er gerir mönnum kleift að komast í samband fram og aftur í tíma. Greipur vinnur enn að þróun hugmyndarinnar, en frumgerðin nær einungis fimmtán ár til baka og tíu ár áfram.

Greipur hefur þegar sótt um einkaleyfi á hugmyndinni. Blaðamaður fékk að líta gripinn augum en leyfi til myndatöku fékkst þó eigi. Þó fékk blaðamaður að reyna gripinn.

Í ljósi dægurmálaumræðunnar þótti rétt að reyna að ná sambandi við Gylfa Arnbjörnsson, forseta ASÍ. Vitanlega var reynt á gripinn og því voru hringd þrenn símtöl í Gylfa. Fyrst í Gylfa ársins 2007, því næst í Gylfa dagsins í dag og að lokum í Gylfa ársins 2019.

 

5. mai 2007

 

 

 

 

 

Blaðamaður: Sæll Gylfi. Hróðmar Böðvarsson hér, Blaðamaður á Bergmálstíðindum.

Gylfi: Sæll Hróðmar.

Blaðamaður: Hvað er upp?

Gylfi: Allt í gangi og svaka uppgangur.

Blaðamaður: Launin bara hækka og hækka?

Gylfi: Já, blessaður vertu. Þetta mallar sem aldrei fyrr. Er að hugsa um að minnka við mig í þessu Alþýðusambandsdæmi og fara frekar að víla og díla fyrir einhvern lífeyrissjóðinn. Þar eru peningarnir sko.

Blaðamaður: Já, því skal ég trúa. Væntanlega búinn að fá þér nýjan flatskjá og svona?

Gylfi: Auðvitað maður. Verður maður ekki að vera flottur á'ðí í öllu góðærinu?

Blaðamaður: Jú vissulega. Ekki má maður vera púkó.

Gylfi: Ó nei. Hér er sko enginn púkó, skal ég segja þér. Allt á fullu.

Blaðamaður: Heyrðu, Gylfi. Ég er að gera smá tæknilega tilraun. Má ég ekki bjalla aftur í þig eftir tvö ár?

Gylfi: Jú, auðvitað maður. Ef þú bara munt grafa upp númerið hjá mér á frönsku Ríveríunni, hvar ég verð örugglega þá, hehe.

Blaðamaður: Já, hahahaha. Segjum það þá. Vertu blessaður.

Gylfi: Já, vertu blessaður.

 

5. maí 2009

 

 

 

 

 

Gylfi: Halló?

Blaðamaður: Sæll Gylfi. Hróðmar Böðvars hér, blaðamaður á Bergmálstíðindum.

Gylfi: Ha, hver?

Blaðamaður: Hróðmar Böðvarsson. Við spjölluðum saman fyrir tveimur árum. Ég var að gera smá tæknitilraun.

Gylfi: Já, þannig.

Blaðamaður: Hvernig er stemmarinn? Fluttur á Ríveríuna?

Gylfi: Ha, Ríveríu? Nei ég er bara í Kópavogi.

Blaðamaður: Núnú, hefur skippað sólinni á frönsku Ríveríunni þá?

Gylfi: Hver hefur efni á því að fljúga austur á Egilsstaði, hvað þá meir?

Blaðamaður: Æ, svona slæmt? Já það ríkir víst ástand í þjóðfélaginu.

Gylfi: Heldur betur.

Blaðamaður: Jæja, er ekki rétt að taka upp léttara hjal? Ég tók eftir því í fréttum nú eftir kosningar að þú hefur rakað skegg þitt.

Gylfi: Já, ég lét kreppuskeggið fjúka. Er skegglaus í dag en mun safna nýju.

Blaðamaður: Velferðarskeggi þá?

Gylfi: Já og nei. Skeggið mun fá að vaxa óskert allt þar til velferðin er í höfn og við komin í ESB.

Blaðamaður: Já ok, svo næsti rakstur verður velferðarrakstur.

Gylfi: Einmitt. Eitthvað í þá átt.

Blaðamaður: Jæja. Heyrðu. Ekki mætti ég heyra aftur í þér að tíu árum liðnum?

Gylfi: Gjörðu svo vel.

Blaðamaður: Ég kveð þá að sinni. Vertu sæll.

Gylfi: Vertu sæll.

 

5. maí 2019

 

 

 

 

 

 

 

Blaðamaður: Halló, er þetta Gylfi?

Gylfi: Sá er maðurinn.

Blaðamaður: Hróðmar hér. Manstu?

Gylfi: Já ég man.

Blaðamaður: Eitthvað títt?

Gylfi: Það er ekki mikið, nema hvað ég er að brjálast á þessu skeggi.

Blaðamaður: Já, auðvitað. Þetta fór auðvitað allt í vaskinn á þinginu um árið.

Gylfi: Já og ég orðinn þreyttur á þessum hjólböruakstri milli verslana.

Blaðamaður: Því trúi ég. Ég nota bara eingöngu kort núorðið.

Gylfi: <Dæs>

Blaðamaður: Jæja. Skal ekki trufla mikið lengur. Ég þakka þér fyrir aðstoðina við mig í þessari tæknitilraun.

Gylfi: Ekki málið. Er henni þá lokið núna?

Blaðamaður: Já, nú er henni lokið.

Gylfi: <Dæs> Vertu þá sæll.

Blaðamaður: Vertu sæll.

 

Greipur stefnir að markaðssetningu sameindasamstæðutvíildissíma síns innan fjögurra ára.

Nýaldeild Bergmálstíðinda vill nota tækifærið og lýsa eftir þjálla heiti yfir hið nýja tæknifyrirbæri, sameindasamstæðutvíildissíma.

Byltingin étur börnin sín

„Hann segist ekki hrifinn af hugmyndum um niðurfærslu skulda sem sé ekki nægilega hnitmiðuð aðgerð og kosti mörg hundruð milljarða. Slíkt myndi fara með stofnanir eins og Íbúðalánasjóð og lífeyrissjóðina.“ Svo hefur Mogginn eftir Joð.

Úrræði ríkisstjórnarinnar eru í besta falli þau að bjóða fólki í skuldafangelsi. Þau ná ekki til þeirra sem enn geta borgað og hægt er að bjarga frá slíkum ömurlegheitum. Frekar kysi ég að taka skellinn og verða gjaldþrota en að búa í mörg ár í skuldafjötrum, með tilsjónarmann andandi í hálsmálið. Segjandi mér hvað ég má og ekki má.

Að óbreyttu munum við sjá fjöldagjaldþrot. Joð telur líklega að þau kosti þjóðarbúið og fjármagnseigendur ekkert?

Það má dæla milljarðahundruðum í peningamarkaðssjóði og aðrar hítir. Líka má afskrifa skuldir við útlendinga, í þágu íslenskra fjármagnseigenda. Svo má velta boltanum á Jón og Gunnu. Láta þau bera baggann vegna gengisfalls krónunnar, sem að miklu leiti má rekja til aðgerða bankanna, fjármagnseigenda. Ekki má hugsa sér að Íbúðalánasjóður eða sukkklúbbarnir sem kallast því fína nafni lífeyrissjóðir beri neinn hluta ábyrgðarinnar. Hví ekki? Jú, þeir eru fjármagnseigendur.

Ekki má stugga við aðlinum.

Jón og Gunna tóku ýmist gengiskörfulán eða verðtryggð krónulán. Jújú, máttu svo sem vita að forsendur breyttust eitthvað, en boy oh boy! Hver gat ímyndað sér þrónunina sem varð? Tæplega Jón og Gunna. Frekar að bankarnir mættu hafa vitað það. Þeir eiga víst að heita sérfræðingar, fagaðilar, eða hvaða önnur fín nöfn má finna. Svo voru það jú þeir sem tóku stöðu gegn krónunni. Gengið lækkaði. Gengistryggðu lánin ruku upp. Vöruverð hækkaði. Verðbólga jókst og verðtryggðu lánin þar með.

Svo mæta menn í ræðustól með krepptan hnefa, a la Lenin, og tala gegn auðvaldinu. Tala fögrum orðum um velferð og jöfnuð!

Staða skuldara gagnvart fjármagnseigendum, á Íslandi, er eins og staða afganskra kvenna eftir giftingu. Tveir aðilar gera með sér samning. Meðan öðrum aðilanum er tryggt með lögum leyfi til framhjáhalds, á hinn yfir höfði sér dauðadóm fyrir sama framferði. Aldeilis jöfnuður það.

Bjakk.

Sumir ættu að hætta vínarbrauðsátinu, drattast í vinnuna og dauðskammast sín!

Varar við örþrifaráðum

Samtök sundurlyndra

Að stofnun sammala.is stóð fólk úr öllum áttum sem er þó sammála um eitt atriði, að hefja aðildarviðræður við Evrópusambandið. Fólkið er ekki endilega á því að gengið skuli í klúbbinn, heldur að fá upp á borðið kosti og galla aðildar út frá áþreifanlegum samningi og taka afstöðu út frá honum, í stað þess að láta stjórnast af tilfinningum og trúarbrögðum.

Stuttu síðar var stofnuð önnur síða, osammala.is. Á sama hátt og sammala.is snýst um að það fólk sem þar skráir sig er sammála hvort öðru, hlýtur osammala.is að samanstanda af fólki sem er ósammála hvort öðru.

Samtök sundurlyndra.

Á 5. þúsund ósammála

Alþjóða hvalræðisráðið

Alþjóða hvalræðisráðið virðist samansett úr tveimur blokkum þjóða.

1) Þeir sem vilja veiða hvali og gera það á skynsamlegan hátt.
2) Þeir sem hafa aldrei séð hval og þekkja ekki muninn á hval og brönugrasi.

Flokkur 1 vill leifa hvalveiðar, með skilyrðim og reglum.
Flokkur 2 vill banna hvalveiðar, af því brönugrös eru svo sæt og dúlluleg.

Hvalveiðiráðið í sjálfheldu

Jájá, fínt

Örugglega svaka fín ræða hjá Gylfa.

Minntist hann á verðtrygginguna? Þið vitið, þetta fyrirbæri sem lífeyrissjóðirnir undir pilsfaldi verkalýðsfélaganna hafa vilja viðhalda. Þetta fyrirbæri sem er baggi á almenningi.

Nei, hann talaði líklega ekki um verðtrygginguna.

Veit ekki meira um téða ræðu en það sem fréttin segir. Hljómar sem gamalt margtuggið froðusnakk.

 

Nýjan sáttmála um stöðugleika

Farbann

Í ljósi máls pólverjans sem settur var í farbann, en slapp samt..

..er farbann ekki bara grín?

Hraðbankaþjófar handteknir

Hrein snilld í ekkifréttamennsku...

...er þessi frétt

Frétt af þingflokki sem ekki er á þingi

Með fullri virðingu fyrir öllum þeim, þá eru þeir bara að snapa sama gams núna og P listinn. Hafa ekki backup frá okkur, fólkinu í landinu. Dauður flokkur.

En þeir ætla að funda og halda þing. Gott mál.

Allt gott um það að segja, en hvaða erindi á það á forsíðu mbl?

Fáum við þá ekki forsíðufréttir af fundum kvenfélaga landsins? það færi betur á því. Líklega fleiri félagsmenn þar. Nú eða félaga bókaútgefenda? ég hugsa að fleiri lesi bækur en kusu F-listann.

Boða ekki til landsþings