Rekaviður finnst við Búrfell

Rekaviður hefur fundist í Búrfellsskógi en hann hefur ekki fundist áður í Þjórsárdal eða í birkiskógum við Heklurætur.

Það var viðarstjóri Hekluskógaverkefnisins, Hreinn Ólafsson, sem rakst á rekaviðinn fyrir skemmstu er hann var á ferð í Búrfellsskógi. Þetta kemur fram á vef Hekluskóga.

Hreinn segist ekki hafa rekist á neinar upplýsingar um að rekaviður væri á þessum slóðum frekar en annarsstaðar í Þjórsárdal eða í birkiskógum við Heklurætur.

Rekaviðardrumbarnir liggja í hrönnum austan Búrfellsskógarins á hálfgerðri eyju sem umlukin er Þjórsá að austanverðu, en tærri á að vestanverðu. Hefur Þjórsá fyrr á árum runnið beggja megin við eyna, að minnsta kosti í vatnavöxtum og því gæti hún hafa verið í friði fyrir beit á einhverjum tíma árs.

Tveir stórir rekaviðarhaugar eru á svæðinu, um 4-5 m breiðir og voru lítið ormétnir um mánaðarmótin júní-júlí. Umhverfis þessa stóru drumba lágu margir smærri rekaviðardrumbar.

Ekki er hægt að fullyrða hvort um náttúrulegan rekavið er að ræða, en lögunin og áferðin gæti bent til þess að svo sé.

Ef einhver hefur upplýsingar um þennan rekavið þá má viðkomandi hafa samband við viðarstjóra Hekluskóga með því að senda póst á netfangið [e-mail].

Reyniviður finnst við Búrfell

Ísland taki upp Verkó sem sinn gjaldmiðil

Raddir innan Verkaýðsforystunnar telja farsælast fyrir Íslendinga að taka upp gjaldmiðilinn Verkó. Verkó var lengi vel útbreiddur í A-Evrópu, en hefur hin síðari ár vikið fyrir Evru. Verkó er fasttengdur rússnesku Rúblunni.

Angantýr Engilberts, talsmaður Samtaka alþýðunnar, telur rétta skrefið að taka upp Verkó.

„Verkó hefur sýnt styrk sinn í femmtíu ár“ segir Angantýr. „Verkó var tekin upp í Rússíá í tilefni Sputniks og náði mikilli útbreiðslu eftir það. T.d í Tékkóslóvakíu“ bætir Angantýr við.

Aðspurður um hvort ekki sé tímanna tákn að veðja heldur á Evru en Verkó, nú árið 2008, segir Angantýr Evruna vera húmbúkk og nýjabrum, sem muni deyja innan fárra ára.

„Ég er skoðanabróðir Geirs og Björns í þeim efnum. Evran er handónýt. Ef ekki Verkó, þá Escudos.“

Er blaðamaður benti á að Portúgalir hefðu lagt niður Escudos við upptöku Evrunnar, árið 2002. Sagðist Angantýr ekki taka þátt í svona rugli.

„Talaðu bara við mig eftir helgi, þegar runnið er af þér“ sagði Angantýr og neitar að tjá sig frekar um málið.

Upptaka evru ekki möguleg án ESB-aðildar

Bergnuminn!

Vá! Vá og aftur Vá!

Ég hef löngum talið dýr hugsa og vita meira en okkur mannfólkið grunar, en það sem ég var að sjá gerði mig algerlega kjaftstopp.

Er búinn að vera á bloggrölti í kvöld og hjá Svani Gísla Þorkelssyni er tengill á myndband af listafíl. Ég skora á alla að skoða það.

Svo dirfist fólk að tala um skynlausar skepnur.

Það er margur dansstíllinn

Við feðgarnir höfðum afar gaman að þessari frétt í dag og hlógum mikið. Frábært að sjá myndklippingarnar þar sem bakgrunnurinn breytist en hreyfingar mannsins ekki. Hrein snilld.

Það er tekið fram í fréttinni að hér sé enginn Fred Astaire á ferð. Ég fellst á það.

Ég fer stundum út á lífið og dansa. Mér hefur ekki enn verið hent út neinsstaðar fyrir dansstílinn. Tæki ég upp dansstíl Matts Harding væri ég þó ekki viss

Milljónir horfa á dansara við Seljalandsfoss

Mótmælabúðir opnaðar á Hellisheiði

Samtökin Saving Iceland hafa opnað mótmælabúðir á Hellisheiði. Í ljósi gífurlegra vinsælda allra handa mótmæla hérlendis síðari ár, hefur orðið vart við mótmælaskort.

Mótmæli hérlendis hafa í mestum mæli verið innflutt. Segja má að íslensk mótmæli hafi vart fengist hér síðan Keflavíkurgöngurnar voru aflagðar. Því er fagnaðarefni í hugum margra að samtökin hafi nú hafið framleiðslu og sölu á íslenskum mótmælum. Mótmælaverslanirnar verða staðsettar á Hólmsheiði, þaðan sem stutt er í allar áttir.

Mótmælabúðir á Hellisheiði

Vor ástkæra alþýða

Málsvarsmenn hinna vinnandi stétta, Kínverjar, ásamt lærifeðrum sínum Rússum, lögðust eindregið gegn því að hinn alþýðlegi og ástkæri leiðtogi Zimbabwe, Robert Mugabe, yrði ávíttur og hirtur.

Hinn ástkæri og ylhýri Mugabe þykir mikill leiðtogi alþýðunnar og því er það hrein firra að vesturveldin, með tjalla og jankía í farabroddi ætli að vera með vesen.

Lifi alþýðan.

Neitunarvaldi beitt

Aldrei þessu vant...

...er ég sammála GWB. Þó líklega á öðrum forsendum en hann.

Líklega væri ástandið eitthvað skaplegra fyrir westan, hefði minna fjármagni verið ausið í stríðsvélina undanfarin sex ár og meiru beint inn á við, til innanríkismála. Já og jafnvel félagsmála (það má láta sig dreyma ).

Einnig er rétt að landar hans vinna nú hörðum höndum að bæta ástandið. Stórt skref í því máli verður tekið í vetur, er kosinn verður nýr forseti. Næsta skref skömmu síðar er sá tekur við embættinu. Vonandi verða það farsæl skref sem munu margfalda greindarvísitölu innan Hvíta hússins sem og upptöku manneskjulegra stjórnhátta.

Bush: Erfitt ástand

Jahéddnahér!

Er það þá tilfellið?  Manni virðist stundum fólk halda annað.

Allt of algengt er að fólk leggi ábyrgð á börnum sínum í hendur opinberra stofnana. Sumir mega ekki vera að því sjálfir, af ýmsum ástæðum.

Vitanlega eru dæmi þess að fólk þurfi að vinna myrkrana á milli til að eiga í og á sig og börnin sín. Svo eru aðrir sem eru of uppteknir við að drekka eða dópa og svo þeir sem mikilvægara finnst að koma sér upp flottum bílum og húsum, en að gera börnin sín að flottum einstaklingum.

„Uppeldið á ábyrgð foreldra"

iPhone 3G

Í dag mun Apple hefja sölu nýjustu græjunnar, iPhone 3G. Eins og áhugasömum ætti að vera kunnugt er græjan sú hlaðin tækninýjungum, s.s. enn betra og flottara bergmáli, nettengingu og möguleikanum á að senda textaskilaboð.

Tæknirýnar hafa gefið græjunni blendna dóma, en hverjum er ekki sama um það? Aðal atriðið er að hún lúkki vel og falli vel að sófaáklæðinu.

Biðraðir eftir nýrri græju

14 milljónir ökutækja?

Mér þykir skrýtið að orða þetta svona. Nær væri að tala um 14 milljónir ferða um göngin. Ég hef ekið mörg hundruð sinnum um þessi göng. Þó á ég aðeins eitt ökutæki.

14 milljónir ökutækja um Hvalfjarðargöngin á tíu árum