Rassamálið - niðurstaða

Niðurstaða fengin í málinu. Vinur minn kíkti á kallinn aftur í gær. Vitanlega með skottið milli lappanna. Tók meira að segja mynd með símanum, sem hann vildi fá senda hingað. Áttaði sig á, um leið, að um var að ræða flottasta rass ever, sem hann og viðurkenndi.

Annars er þetta skrýtin páskahelgi. Krakkarnir mínir ætluðu að koma, en hafa legið í flensu. Þau koma til mín á morgun  Heyrði í stelpunni minni áðan. Ó guð, hvílík gersemi sem hún er. Þessi börn. Ást mín er óendanleg. Ég er lukkulegasti maður. Ég á hvorki flottan bíl né flott hús, en ég á flott börn.

Já...og flottan rass

Flottur rass

Ég fékk góða heimsókn í gær. Gamall góður vinur, sem ég hitti ekki of oft um þessar mundir, kíkti á kallinn. Við sátum og ræddum um heima og geima. Áður en ég vissi af barst talið að botni mínum. Don't ask me why or how. Hann var sumsé ekki sammála því almenna áliti að ég hefði flottan rass. Vitanlega bara vegna öfundar, en þó reyndi hann að rökstyðja mál sitt. Sagði þennan klípilega stinna rass vera heldur lítinn. Ég taldi hann því vera meira fyrir hamborgararassa. Hann vildi þó ekki viðurkenna það og að ég tel hann hafi málað sig út í horn hvað það varðar, enda til lítils að rökræða fegurðarmat.

Hitt stendur þó eftir, að sama hvernig rass fólk hefur. Það finnst örugglega alltaf einhver sem líkar hann, eða ekki. Á sama hátt er alveg sama hvernig við lítum út að öðru leiti, eða erum innra með okkur. Það er alltaf einhver sem líkar. Það er því ekki til neitt sem heitir að 'vera' ljótur. Við erum bara svo mismunandi flott og ættum öll að þakka fyrir þau sérkenni sem við búum yfir. Við erum öll einstök og sérstök.

En svona fyrir ykkur sem ekki vitið. þá er ég með gorgeous rass. þinglýst.

Sexyness

Í mínum huga er nákvæmlega ekkert sexy við undirföt sem slík. Það er konan sem þeim klæðist sem er sexy. Hlutir eru ekki sexy, en í rétta samhenginu geta þeir kryddað kynþokkann. Ég er bara ekki að sjá neitt sexy við gínur inni á klósetti.

Kynæsandi salerni

Vá!

Hver keyrir ekki yfir hálfan bæinn til að finna Atlantsolíu- eða Egostöð. Bíða þar í röð og spara heilar 5 kr. á lítrann, eða 200 krónur á tankinn, m.v. 40 lítra?

 

Ekki ég. 

Atlantsolía og Orkan hafa ekki hækkað enn

Skattmann og hið opinbera

Ég var að renna yfir skattaskýrsluna mína áðan. Þar sem ég seldi eina fasteign og keypti tvær á liðnu ári, átti ég von á að þetta yrði hausverkur hinn mesti. Neinei. Allt fyllt inn á framtalið, utan eitt erlent lán. Þetta verður þægilegra með hverju árinu. Ég minnist þess er fyrst var boðið upp á rafrænt framtal. Líklega 10 eða 11 ár síðan. Þá þurfti að fylla allt inn. Ég er sáttur við þetta.

Hinsvegar er annað sem ég er langt frá að vera sáttur við. Ekki Skattmanns sök. Hann er tjóðraður af gildandi lögum. Það sem ég er ósáttur við er þetta; Ég á tvö börn. Þ.a.l. er ég foreldri. Ég er einstæður. Samt er ég ekki ekki einstætt foreldri (!?!) 

Fjölskyldumerkingin mín, á forsíðunni, er 1+0+0. Sem þýðir; einn einstaklingur (ég), enginn maki og engin börn. 

 

 

Ég skal fyllilega sættast á að enginn sé makinn, en börnin eru tvö. Annar reitur er sá, að haka við sé maður einstætt foreldri. Hmmmm, er ég ekki einstætt foreldri? Einstæður og á tvö börn. Þá smelli ég á spurningamerkið ofan við reitinn. Þá opnast nýr gluggi með skilgreiningu á einstæðu foreldri;

"Einhleypingur með börn yngri en 18 ára er með fjölskyldumerkingu 2+barnafjöldi. Í þenna reit þarf sá sem er einhleypingur með barn að merkja með X til þess að staðfesta að hann sé einstætt foreldri og annist einn framfærslu þess í lok tekjuársins. ..."

Annist einn framfærslu! What!!

Ég greiði meðlög með mínum börnum. Samkvæmt túlkun Barnalaga er meðlagið minn hluti af framfærslu barna minna. Skattmann, eða þau lög sem hann vinnur eftir, virðist þó líta málið öðrum augum. Samkvæmt skilgreiningu hans er ég alls ekki að framfæra börn mín (annist einn framfærslu þess). Þar af leiðandi hlýt ég að spyrja þeirrar spurningar, hvern ég er að framfæra með mánaðarlega fjörutíuþúsundkallinum?

 

Úr barnalögum. 

  53. gr. Framfærsluskylda foreldra o.fl. 1. mgr.
Skylt er foreldrum, báðum saman og hvoru um sig, að framfæra barn sitt. Framfærslu barns skal haga með hliðsjón af högum foreldra og þörfum barns.

61. gr. Lok framfærsluskyldu. 1. mgr.
Framfærsluskyldu lýkur er barn verður 18 ára.

63. gr. Greiðsla meðlags. 2. mgr.
Meðlag samkvæmt ákvæðum þessa kafla tilheyrir barni og skal notað í þágu þess. Sá sem krafist getur meðlags skv. 56. gr. innheimtir þó meðlag og tekur við greiðslum þess í eigin nafni.

56. gr. Hverjir krafist geta meðlags. 1. mgr.
Sá sem stendur straum af útgjöldum vegna framfærslu barns getur krafist þess að meðlag sé ákveðið og innheimt, enda hafi viðkomandi forsjá barns eða barn búi hjá honum samkvæmt lögmætri skipan.

 

 

og svona til 'gamans' þá afneitar löggjafarvaldið þeirri staðreynd að nauðgun geti verið framin af kvenmanni, heldur eingöngu af karlmanni.

58. gr. Sérákvæði um framfærsluskyldu.
Nú hefur faðir barns sætt dómi fyrir brot skv. XXII. kafla almennra hegningarlaga gagnvart móður þess og telja verður að barn sé getið við þessa háttsemi og er þá heimilt að úrskurða hann til að kosta framfærslu barns að öllu leyti.

Hvað ef getnaður verður við nauðgun konu á karli?

það er önnur umræða.

Hið ljúfa líf

Liggjandi í sófanum, í góðu yfirlæti, skrifa ég þessa færslu. Mér var fært kaffi

Notalegur letimorgunn hér á bæ. Pabbi gamli á blogginu og næstumþvígelgjurnar horfa á The Simpsons, í tölvunni. Þegar letinni hefur verið gert nógu hátt undir höfði, verður farið í verslunarleiðangur. Keypt málning ásamt fleiru er tilheyrir aðvífandi framkvæmdafasa. Höfum svo vonandi tíma fyrir heimsókn, eða á morgun. Rækta frændgarðinn. Annars engin of stíf plön gerð á þessum bæ. Spilum þetta eftir eyranu.

Dóttirin hafði, í gær, meðferðis sælgæti í massavís  Hún stóð fyrir balli í skólanum, ásamt vinkonum sínum. Þær gengu í verslanir og fengu gefins sælgæti sem var svo selt á umræddu balli. Ágóðinn gefinn til ABC. Einhver afgangur varð þó eftir af namminu og hefur hún nú raðað því í nammiskápinn hér. Það gengur upp þar sem hér er hvorki stolist í nammið, né sá gamli of tilbúinn að leyfa þeim að háma það í sig.

Við hófum helgina á vel heppnuðum ofnrétti með mexíkósku ívafi, leiknum af fingrum fram. Ostur og vínber á eftir. Í kvöld verður það uppáhald okkar allra, Gnocchi a la Carbonara. Sannkallaður hæstiréttur. Á morgun fá fyrrum hænsnfuglar austurlenska meðferð.

Annars ekkert annað planað, nema vera saman. Veita hvert öðru nánd. Hlægja, fíflast, spjalla, knúsa, dunda okkur. Ekkert prógramm.

Þetta kalla ég ljúft líf

Ekki stíga allir í (verk)vitið

Hið steingelda hyldýpi meðalmennskunnar

Ekki hef ég græna glóru um hvaða kompaní Skipti er. Hvort það tengist öðru fyrirtæki er nefnist Síminn, veit ég síður. Hvort sama auglýsingastofa hannaði lógó beggja fyrirtækja veit ég enn síður. Hvort sami teiknarinn hannaði bæði lógóin, veit ég síst.

Eitt veit ég þó. Einhver hefur verið að mjólka gamla hugmynd.

  

 

 

 

 

 

Búinn að fá þær upplýsingar að þetta sé náskylt Símanum. Mér finnst það þó ekki draga úr geldingunni.

Lítill áhugi á útboði Skipta

Hættulegt líf

...alkóhólistar, veikar á geði, uppteknar af sjálfum sér eða látnar. Í gær gaf sænska barnabókastofnunin út sína árlegu skýrslu og þar kemur fram að mæður í barna- og unglingabókum lifa mjög hættulegu lífi.

 Ok, látum liggja milli hluta hvort það kallist hættulegt að vera alkóhólisti eða veikur á geði. Að vera upptekinn af sjálfum sér getur varla talist sérlega hættulegt. Hvað þá að vera dauður. Varla getur maður drepist meira?

Hættulegt líf mæðra í barnabókum

Fallegar sálir

Ég er þeirrar gæfu aðnjótandi að í gegn um tíðina hefur nær eingöngu safnast að mér gott fólk. Góðar sálir. Fallegar sálir. Sumar þeirra eru með mér ennþá. Aðrar hafa farið aðrar leiðir. Samt hafa þær skilið eftir sig mark sitt á mér. Gert mig að betri manni.

Maður skildi aldrei vanmeta kynni góðra sálna.