Davíð á Veðurstofuna!

Í fyrrakvöld skoðaði ég spá Veðurstofunnar fyrir næstu daga. Samkvæmt henni þá, átti að snjóa eitthvað norðan- og austanlands en engin snjókorn sýnd á suðvesturhorninu. Ég hafði hugsað mér að skipta yfir á vetrardekkin áður en snjóaði að nýju og sleppa við langar biðraðir. Planið var að gera það seinni partinn í dag.

En, nei nei. Blasti ekki við manni alhvít jörð í morgun. Það var þá ekki annað að gera en hefja daginn á dekkjaverkstæði, með tilheyrandi bið.

Mér varð á orði við vinnufélaga, í fjaskasti, að Veðurstofan gæti ekki spáð einn og hálfan dag fram í tímann. Sama var uppi á teningnum um daginn, þegar fyrirvaralaust kyngdi niður snjó meðan forsætisráðherra hélt stefnuræðu sína.

Ég sagði að Davíð hefði frekar átt að leggja niður Veðurstofuna en Þjóðhagsstofnun. Þjóðhagsstofnun hefði líklega getað átt þátt í að koma í veg fyrir að efnahagsástandið þróaðist eins og raun ber vitni. Hinsvegar sé Veðurstofan vita gagnslaus.

Eftir þetta fjas mitt kom félagi minn hinsvegar með frábæra lausn. Lausn fyrir Veðurstofuna, en ekki síður fyrir ástandið í þjóðfélaginu.

Gera þarf Davíð Oddsson að Veðurstofustjóra.

Með þeim gjörningi mætti ekki bara taka til í Seðlabankanum, heldur fengjum við mann á Veðurstofuna sem gæti tryggt okkur betra veðurfar. Það var nú hann sem fann upp góðærið, var það ekki?

15,5°C stýrihitastig ásamt afnámi vindskyldunnar myndi gerbreyta öllum aðstæðum hér. Ég gæti þá látið gamla drauminn rætast, að gerast kókoshnetubóndi.

Verður mermite bannað á Íslandi?

Fregnir herma að sendinefnd Englandsdrottningar muni vera á leið sinni til Íslands. Embætti íslenska konungsembættisins hefur ekkert vilja segja um málið. Samkvæmt öruggum heimildum er um að ræða að enskir vilji að í skiptum fyrir fisk, kaupi Íslendingar breskt mermite.

Mermite mun vera sá mesti hroðbjóður er uppi hefur verið fundinn. Má í því tilefni geta að mermite var notað við pyntingar á þýskum njósnurum, af MI5, á stríðsárunum.

Heimildir herma að sinnepsgas og cyclon B séu kisulingar í samanburði við mermite.

 

og vitanlega, eins og almennilegum fjölmiðli sæmir, hefur fyrirsögnin litla skírskotun í efni fréttarinar.

 

Undirritað af Andeby Titende bladskonsul.

Joakim von And

Bresk nefnd aftur til Íslands

Er ekki nóg komið af orgíunni hér

Samkvæmt orðabók Íbúðalánasjóðs merkir orðið samdráttur: „Holdlegt samneyti milli fleiri en tveggja einstaklinga. Hvort heldur er framsóknarmanna eða annara.“

Í ljósi þessa er varhugavert að ýta undir efnahagssamdrátt á tímum sem þessum. Ég tel að alþýða fólks sjái sé meiri hag í að drýgja tekjurnar t.d. með starfi á lyftara, steinsög eða með heimabróderingum, heldur en samdrætti í þágu kapítalsins.

Ó mæ God. Hvar er Sóley?!!

Spá 10% efnahagssamdrætti

Vísukorn um þróun íslensku útrásarinnar

Góðvinur minn, Bóas Bóason bóndi á Bræðrabólsstað, bað mig að birta þessar línur fyrir sig. Hann vill taka fram að hann er ekki framsóknarmaður, heldur borði hann lífrænt og stundi jóga.

 

Sagan hefst er alþjóð sat
og átti ei mat.
Var frat.

Í þá tíð menn riðu um sveitir.
Sumir feitir,
Búlduleitir.

Aðrir, með nöfn eins og danskinn.
Þekktu manninn
og hinn.

Í bróðerni þeir rjómann hlutu.
Undan skutu
og nutu.

Að kjötkötlum einir sátu.
Þeir sem gátu
og átu.

Tími skipta og gjafa
Sértu í vafa,
spurðu afa.

Öldin leið á Sovét-eyju.
Þar til sem meyju
úr spennitreyju.

Losað um allt sem að var keppt.
Öllu sleppt.
Fráhneppt.

Menn sem höfðu harma að hefna.
Fengu banka gefna.
Þá eigi skal nefna.

Einn og annar fermingarfýr
Kankvís og hýr,
eignaðist kýr.

Í austur og suður skunduðu fljótt.
Eignuðust skjótt.
Dag og nótt.

Í innanhússbisbíss má feika,
gróða og meika,
bónusa bleika.

En Bónus gríss mátt þér óska,
sé það þrjóska
og þú ljóska.

Víkingarnir heiminn trylltu.
Þeir kónginn hylltu
og fylltu.

Á Svörtuloftum bindin skildu
að bindiskyldu
þeir ekki vildu

Ríkisforsjáin var ekki á sveimi.
Hún var í algleymi,
höfð í teymi.

Alþjóð tók þátt í sukki.
Í lánajukki,
með trukki.

Vildi ekki góðærinu sleppa.
Hún þurfti jeppa,
til að skreppa.

í góðærinu birtist einstaka haus.
Með varnaðarmaus.
Þvílíkt raus.

Í orgíunni eltast hverjir við aðra.
Ha? Uppblásin blaðra?
Hvar?...Naðra?

Hún Ameríka fór að sverfa.
Djöfuls herfa.
Best að hverfa.

Nú allt í einu þjóðin var í súpu.
Hinir skruppu í rjúpu,
til Kúbu.

Þótt gott sé að dvelja syðra.
Koma þeir sem vilja iðra,
þegar betur mun viðra.

Strauss kann ekki að hafa misbeitti sér gegn Vivaldi

Enn af Strauss. Tónskáldinu ástkæra sem samdi Tómatsósuvalsinn vinsæla.

Í gær var sagt frá bréfum þeim sem fundist hafa og samtímamaður Strauss, Hedvig von Gündenberg, mun hafa skrifað. Í bréfunum er sagt frá ýmsum uppákomum tónskáldsins. Einhverju sinni gekk sú saga í Vínarborg að Strauss hefði misbeitt Vivaldi. Var sagan orðinn svo kræf að Vivaldi sá sér ekki fært annað en koma fram og leiðrétta hana:

„Ég, Vivaldi, verð hér með að leiðrétta þann misskilning að Strauss, góðvinur minn, hafi misbeitt valdi gegn mér. Það er alrangt. Mér var mikið niðri fyrir og gat hreinlega ekki tekið á honum stóra mínum og valdi ég því hann til að gera það fyrir mig. Ég leyfði honum alfarið að taka á honum fyrir mig...allt svo... vini mínum....sko honum...ekki...eehhh“

Ekki náði von Gündenberg að greina framhaldið, fyrir lýðnum er tók að hafa í frammi ólæti.

Strauss-Kahn misbeitti ekki valdi

VARÚÐ!! Foreldrar athugið! Nýtt eiturlyf á markaðnum!

Eftirfarandi skilaboð fékk ég í tölvupósti frá íslenskum lögreglumanni nú áðan.

Please pass this on even if you do not have kids in school. Parents should know about this killer drug.

This is a new drug known as 'strawberry quick '.
There is a very scary thing going on in the schools right now that we all need to be aware of.

There is a type of crystal met h going around that looks like strawberry pop rocks (the candy that sizzles and 'pops' in your mouth). It also smells like strawberry and it is being handed out to kids in school yards. They are calling it strawberry meth or strawberry quick.

Kids are ingesting this thinking that it is candy and being rushed off to the hospital in dire condition. It also comes in chocolate, peanut butter, cola, cherry, grape and orange.

Please instruct your children not to accept candy from strangers and even not to accept candy that looks like this from a friend (who may have been given it and believed it is candy) and to take any that they may have to a teacher, principal, etc. immediately.

Pass this email on to as many people as you can (even if they don't have kids) so that we can raise awareness and hopefully prevent any tragedies from occurring. 

Read more about this in the link below.

http://www.foxnews.com/story/0,2933,271215,00.html
 

 

 

Detective Danny Perry

Louisville Metro Police Department

Criminal Intelligence Unit

633 West Jefferson Street

Louisville, KY 40202

502-574-7618 Desk

502-744-6618 Cell

502-636-4247 Fax

Astraltertugubb

Því má hér við bæta að fyrir tæpum þremur áratugum gerðist sá atburður hér á landi, að íslenskur söngflokkur varð vitni að heimsókn geimvera. Þetta átti sér stað seint að kvöldi, langt úti á landsbyggðinni. Meðlimir söngflokksins héldu fram að þeir hefði séð hinar frægu Kizu geimverur, er gjarnan sáust hafa í frammi undarlegar líkamshreyfingar í þá daga. Yfirvöld voru treg til að leggja trúnað á söguna, enda höfðu meðlimir söngflokksins stundað söng og hljóðfæraslátt sama kvöld. Það vildi nefnilega brenna við að við slík tækifæri innbyrtu menn of mikið af rækjusamlokum og maltöli. Auk þess höfðu þeir ekki myndir máli sínu til staðfestingar. Að lokum fékkst staðfesting á sögu þeirra eftir að þeir höfðu lagt fram astraltertugubb sem sönnun.

Áhorfendur átu sönnunargagnið

Strauss kann að biðjast afsökunar

Í gömlum bréfum, sem fundust nýverið í héraðsskjalasafninu í Slésvík Holsten, kemur fram að tónskáldið Richard Stauss hafi beðist afsökunar á hinni frægu feilnótu sem finna má í einum síðasta valsi hans, Tómatsósuvalsinum.

Samtímamaður Strauss, Hedvig von Gündenberg, skrifaði umrædd bréf. Í þeim stendur m.a:

„Herra Strauss er maður sem kann að biðjast afsökunar á mistökum sínum. Mistökum eins og þeim er hann gjörði við sköpun Tómatsósuvalsins. Þó er Strauss stoltur maður og mun þetta vera í fyrsta sinn er hann hafi þurft að kyngja stolti sínu. Hinsvegar mun feilnótan hafa orðið til er aðstoðarkona hans, frú Lövenbrau, kyngdi stolti hans.“

Strauss-Kahn biðst afsökunar

Eldur í íslenskri eigu

Komið er í ljós að eldurinn sem upp kom í togaranum Lynx er íslenskur.

Samkvæmt vefsetrinu strand.is er hér um að ræða alíslenskan eld. Þann sama og logað hefur í fjálmálageiranum undanfarið.

Eldurinn mun, sem betur fer, ekki hafa skaðað áhöfnina að neinu ráði þar sem hann mun ekki vera eldspýtnanna virði, frekar en togarinn.

Lynx mun verða settur á brunaútsölu síðar í vikunni, ásamt lífeyrissparnaði og öðrum brunnum eignum íslendinga.

Eldur í togara í íslenskri eigu

Fjáröflunarbingó Ögmundar

Ögmundur Jónasson stígur upp á skókassann og segir að ríkisstjórnin hafi ekki heimild til að skuldbinda komandi kynslóðir. Jafnframt talar hann um að ekki hafi verið haft samráð við Alþingi um samninga við AlÞjóða gjaldeyrissjóðinn.

Ekki skal ég um það segja hvort ríkisstjórninni beri lagaleg skylda til að hafa samráð við Alþingi vegna samningarins. Ég get þó ekki séð að það breyti neinu hvort eð er, hvort menn þrefi um það í einn dag eða tvo. Það er enginn annar raunhæfur kostur í stöðunni. Menn verða bara að feisa það. Nógur tími hefur farið í fundi og þvarg nú þegar.

Eins og staðan er, verður að fá innspýtingu strax svo halda megi draslinu gangandi. Koma líka í veg fyrir verðrýrnun eigna. Þá má jafnvel fá eitthvað fyrir þær síðar.

Ögmundur nefnir reyndar engar lausnir. Vill hann slá upp brunaútsölu? Selja allt strax með 90% afföllum? Hefur hann ef til vill aðrar fjáröflunarlausnir í handraðanum? Kannski bingó eða basar?

Rangt að skuldbinda ófædd börn